الماتى اۋەجايىن باسىپ الۋ ءىسى بويىنشا ۇكىم شىقتى

سوتتالۋشىلاردى قولداۋعا جينالعانداردىڭ قاراسى قالىڭ.

قاڭتار وقيعاسى كەزىندە الماتى اۋەجايىن باسىپ الۋ ءىسى بويىنشا ايىپتالۋشىلارعا ۇكىم وقىلدى، دەپ حابارلايدى Almaty-akshamy.kz

سوت ايىپتالۋشىلاردى كىنالى دەپ تانىپ، ايگەرىم تىلەۋجاندى 4 جىلعا باس بوستاندىعىنان ايىردى.

قالاس نۇرپەيىسوۆ پەن نۇرلان دالىبايەۆ 8 جىلعا سوتتالدى.

سوت ۇكىمىمەن ەرمۇحامەت شىلىبايەۆقا پەن جانايدار كارمەنوۆ تە 8 جىلعا باس بوستاندىعىنان ايىرىلدى.

ەستەرىڭىزگە سالا كەتەيىك، بەلسەندىلەر ايگەرىم تىلەۋجان مەن قالاس نۇرپەيىسوۆ، سونداي-اق نۇرلان دالىبايەۆ، ەرمۇحامەت شىلىبايەۆ جانە جانايدار كارمەنوۆ اۋەجايدى باسىپ الدى دەگەن ايىپ تاعىلعان.

تىلەۋجان مەن نۇرپەيىسوۆ جاپپاي تارتىپسىزدىكتەردى ۇيىمداستىردى (ق ر قك 272 - بابىنىڭ 1-بولىگى) دەپ ايىپتالسا، دالىبايەۆ، شىلىبايەۆ جانە كارمەنوۆ اۋەجايدىڭ ستراتەگيالىق وبەكتىلەرى مەن "كازاەروناۆيگاسيا" رمك شابۋىل جاساۋ جانە باسىپ الۋ كەزىندە زورلىق-زومبىلىقپەن، ورتەۋمەن، مۇلىكتى قيراتۋمەن جانە جويۋمەن قاتار جۇرگەن جاپپاي تارتىپسىزدىكتەرگە (ق ر قك 272-بابىنىڭ 2-بولىگى) قاتىستى دەگەن كۇدىككە ءىلىندى.