اۋا رايىنىڭ قولايسىزدىعىنا قاراماستان، الماتى اۋەجايى شتاتتىق رەجيمدە جۇمىس ىستەپ تۇر. بۇل تۋرالى اۋەجايدىڭ باسپا ءسوز قىزمەتى ءمالىم ەتتى، دەپ حابارلايدى اlmaty-akshamy.kz
«الماتى حالىقارالىق اۋەجايى شتاتتىق رەجيمدە جۇمىس ىستەپ جاتىر. مەتەوجاعدايعا بايلانىستى كەيبىر اۋەجايلاردا ۇشاقتار كەشىگىپ جاتىر. الماتىداعى اۋا رايى جاعدايىنا (قارلى جاۋىن) جانە ەكيپاج مۇشەلەرىنە بايلانىستى Lufthansa اۋە كومپانياسىنىڭ ءبىر عانا رەيسى (الماتى-نۇرسۇلتان-فرانكفۋرت) كەشىكتى»، - دەپ حابارلادى الماتى حالىقارالىق اۋەجايىنىڭ باسپا ءسوز قىزمەتى.
ءقازىر ونلاين كەستەگە سايكەس نۇر-سۇلتان، شىمكەنت، بىشكەك، دۋباي، كوكشەتاۋ، اتىراۋدان الماتىعا ۇشاتىن ۇشاقتار كەشىگىپ جاتىر.