الماتى اۋداندارىنىڭ اكىمدەرى كوپ بالالى انالارمەن كەزدەسۋلەر وتكىزدى

قاڭتار ايىنىڭ 18-26-سى ارالىعىندا اۋدان اكىمدەرىمەن تاعى دا 8 كەزدەسۋ وتەدى

الماتى قالاسىنىڭ اكىمى بەكىتكەن كەستەگە سايكەس، 2022 جىلدىڭ جەلتوقسان ايىندا اۋدان اكىمدەرى كوپ بالالى انالارمەن 8 كەزدەسۋ وتكىزدى، دەپ حابارلايدى Almaty-akshamy.kz.

كەزدەسۋگە بارلىعى 110 كوپ بالالى وتباسى كەلىپ،  اۋدان اكىمدەرىنە 111 سۇراق جولداندى. ونىڭ 60-ى بويىنشا تۇسىنىكتەمەلەر بەرىلدى، كەزدەسۋلەردەن كەيىن 24 ماسەلە پىسىقتالدى، تاعى 27ء-سى جۇمىستا.

نەگىزگى ماسەلەلەر:

- تۇرعىن ءۇي الۋ (كەزەككە قويۋ) - 28 (25%)؛

- ءبىلىم (بالالاردى مەكتەپتەر مەن بالاباقشالارعا ورنالاستىرۋ، مەكتەپ فورماسى، Artsport باعدارلاماسى) - 16 (14%)؛

- دەنساۋلىق ساقتاۋ – 10 (9%)؛

- الەۋمەتتىك جاردەماقىلار (ااك، ازىق-تۇلىك جيناقتارى) - 16 (14%)؛

- تكش جانە اباتتاندىرۋ (گاز قوسۋ، سۋمەن جابدىقتاۋ جانە سۋ بۇرۋ) – 8 (7%)؛

- جۇمىسقا ورنالاستىرۋ جانە بيزنەسكە ارنالعان گرانتتار-6 (5%)؛

- ەسەپكە تىركەۋ (تىركەۋ) - 3 (2%)؛

- كولىك-3 (2%)؛

- باسقالارى-21 (18%).

قالا اكىمى 2023 جىلعى قاڭتارعا اۋدان اكىمدەرىنىڭ قالانىڭ كوپ بالالى انالارىمەن كەزدەسۋلەرىنىڭ ءتيىستى كەستەسىن بەكىتتى. 

ەسكە سالساق،  بۇعان دەيىن اۋدان تۇرعىندارىمەن كەزدەسۋلەر بارىسىندا كوپتەگەن وتىنىشتەرگە بايلانىستى الماتى قالاسىنىڭ اكىمى ەربولات دوسايەۆ اۋدان اكىمدەرىنىڭ كوپبالالى انالارمەن اي سايىنعى كەزدەسۋلەرىن ۇيىمداستىرۋدى تاپسىرعان بولاتىن.