اعىمداعى جىلدىڭ 1 ساۋىرىنەن باستاپ الماتى قالاسىنىڭ اۋداندىق اكىمدىكتەرى جولداردى جانە ينجەنەرلىك جەلىلەردى اعىمداعى جوندەۋ، حالىقتىڭ وسال توپتارىنا الەۋمەتتىك قولداۋ كورسەتۋ، مەكتەپكە دەيىنگى ۇيىمداردى، شىعارماشىلىق ۇيىرمەلەر مەن سپورت سەكسيالارىن جانباسىنا شاققانداعى قارجىلاندىرۋ جانە ت. ب. بويىنشا جۇمىستاردى دەربەس جۇرگىزە باستايدى، دەپ حابارلايدى almaty-akshamy.kz
جاڭا فۋنكسيالارمەن قاتار سەگىز اۋدان اكىمدىكتەرىنە 73،5 ملرد تەڭگەدەن استام (الاتاۋ – 17 ملرد تەڭگە، المالى – 5،9 ملرد تەڭگە، اۋەزوۆ – 13،3 ملرد تەڭگە، بوستاندىق – 7،5 ملرد تەڭگە، جەتىسۋ – 7،9 ملرد تەڭگە، مەدەۋ – 7 ملرد تەڭگە، ناۋرىزباي – 5،6 ملرد تەڭگە، تۇركسىب – 9 ملرد تەڭگە) قارجى ءبولىندى.
فۋنكسيالاردى ورتالىقسىزداندىرۋ بويىنشا وزگەرىستەر قابىلدانعانعا دەيىن اۋدان اكىمدىكتەرىنىڭ تەك اعىمداعى جۇمىستارعا، ونىڭ ىشىندە اباتتاندىرۋعا، تازالاۋعا، كوگالداندىرۋعا جانە ت. ب. ارنالعان وكىلەتتىكتەرى مەن قاراجاتتارى شەكتەۋلى بولدى. اۋدان اكىمدىكتەرىنە جاڭا فۋنكسيالاردى بەرۋ جانە قوسىمشا قارجىلاندىرۋدى ءبولۋ جەرگىلىكتى جەرلەردە جەدەل شەشىم قابىلداۋعا ىقپال ەتەدى، ءار اۋدان حالقىنىڭ قاجەتتىلىكتەرىن نەگىزگە الا وتىرىپ، بيۋدجەت قاراجاتىن ءتيىمدى ءبولۋدى قامتاماسىز ەتەدى جانە وسى قىزمەتتەردىڭ ورىندالۋىن ودان ءارى باقىلاۋعا مۇمكىندىك بەرەدى.
ەسكە سالساق، مەملەكەت باسشىسى قاسىم-جومارت توقايەۆتىڭ جەرگىلىكتى ءوزىن-وزى باسقارۋدى ورتالىقسىزداندىرۋ جونىندەگى تاپسىرماسى اياسىندا الماتى قالاسىنىڭ اكىمى ەربولات دوسايەۆتىڭ باستاماسى بويىنشا وتكەن جىلى كەيبىر فۋنكسيالاردى رەسپۋبليكالىق ماڭىزى بار قالالار، استانا اكىمدىكتەرىنىڭ دەڭگەيىنەن اۋدان اكىمدىكتەرىنىڭ دەڭگەيىنە بەرۋ بولىگىنە وزگەرىستەر ەنگىزىلگەن بولاتىن.
ورتالىقسىزداندىرۋدى تۇبەگەيلى بەكىتۋ ماقساتىندا جەرگىلىكتى ءوزىن- ءوزى باسقارۋ فۋنكسيالارى بويىنشا 2022 جىلعى 30 جەلتوقسانىندا اۋداندىق اكىمدىكتەرگە 15 فۋنكسيانى بەرۋ بولىگىندە قازاقستان رەسپۋبليكاسىنىڭ بيۋدجەت كودەكسىنە تۇزەتۋلەر ەنگىزىلدى:
1) مەكتەپكە دەيىنگى تاربيە مەن وقىتۋ، ونىڭ ىشىندە مەكتەپكە دەيىنگى تاربيە مەن وقىتۋ ۇيىمدارىنىڭ قىزمەتىن قامتاماسىز ەتۋ؛
2) سپورت سەكسيالارىن جانباسىنا شاققانداعى نورماتيۆتىك قارجىلاندىرۋدى ىسكە اسىرۋ؛
3) اۆتوموبيل جولدارىن اعىمداعى جوندەۋ؛
4) تۇرعىن ءۇي كومەگى؛
5) مەملەكەتتىك اتاۋلى الەۋمەتتىك كومەك؛
6) جەرگىلىكتى وكىلدى ورگانداردىڭ شەشىمدەرى بويىنشا مۇقتاج ازاماتتاردىڭ جەكەلەگەن ساناتتارىنا الەۋمەتتىك كومەك كورسەتۋ؛
7) الەۋمەتتىك كومەك جانە الەۋمەتتىك قامسىزداندىرۋ؛
8) بەلگىلى ءبىر تۇرعىلىقتى جەرى جوق ادامداردى الەۋمەتتىك بەيىمدەۋ؛
9) جەتىمدەردى، اتا-اناسىنىڭ قامقورلىعىنسىز قالعان بالالاردى الەۋمەتتىك قامسىزداندىرۋ
10) مۇگەدەكتىگى بار بالالاردى قوسا العاندا، قارتتار مەن مۇگەدەكتىگى بار ادامداردى الەۋمەتتىك قامسىزداندىرۋ؛
11) حالىقتى جۇمىسپەن قامتۋدى قامتاماسىز ەتۋ؛
12) مەملەكەتتىك اتاۋلى الەۋمەتتىك كومەك؛
13) الەۋمەتتىك كومەك جانە الەۋمەتتىك قامسىزداندىرۋ سالاسىنداعى وزگە دە قىزمەتتەردى ىسكە اسىرۋ، ونىڭ ىشىندە مەملەكەتتىك الەۋمەتتىك تاپسىرىستى ورنالاستىرۋ؛
14) كوممۋنالدىق مەنشىكتەگى سۋمەن جابدىقتاۋ، كارىز، كارىز سورعى ستانسيالارىنىڭ تاراتۋ جەلىلەرىن، گازبەن جابدىقتاۋ جانە جارىقتاندىرۋدى جوبالاۋ، سالۋ، رەكونسترۋكسيالاۋ، كۇردەلى جوندەۋ جانە مودەرنيزاسيالاۋ؛
15) تۇرعىن ءۇي قورىن ينۆەنتاريزاسيالاۋ.
ورتالىقسىزداندىرۋ اياسىندا اۋداندىق اكىمدىكتەرگە حالىقتىڭ الەۋمەتتىك وسال توپتارىن الەۋمەتتىك قورعاۋ بولىگىندە جۇمىسپەن قامتۋ جانە الەۋمەتتىك باعدارلامالار باسقارماسىنىڭ فۋنكسيالارى بەرىلدى. بۇل جاردەماقى تولەۋ بويىنشا قىزمەت كورسەتۋ مەرزىمدەرىن قىسقارتۋعا مۇمكىندىك بەرەدى، ءاربىر اۋداننىڭ مۇقتاجدارىن تولىق قامتۋدى قامتاماسىز ەتەدى جانە تۇرعىندارعا تۇرعىلىقتى اۋداندا قىزمەت الۋعا مۇمكىندىك بەرەدى.
اتاپ ايتقاندا، اۋداندىق اكىمدىكتەر ارقىلى تەحنيكالىق وڭالتۋ قۇرالدارىمەن قامتاماسىز ەتۋ ەرەكشە قاجەتتىلىكتەرى بار ادامدارعا بەيىندى باسقارماعا جۇگىنبەي جەرگىلىكتى جەرلەردە پروبلەمالىق ماسەلەلەردى شەشۋگە مۇمكىندىك بەرەدى. اۋداندىق اكىمدىكتەرگە مىنا الەۋمەتتىك جوبالاردى ىسكە اسىرۋ بويىنشا فۋنكسيالار دا بەرىلدى، ولار: Ten qogam، «باقىتتى وتباسى» ورتالىقتارى، ءداستۇرلى قولونەر ورتالىعى، بەلسەندى ۇزاق ءومىر ءسۇرۋ ورتالىعى، «شىڭعا ورلەۋ».
الماتىنىڭ قالالىق موبيلدىلىك باسقارماسىنىڭ جولدارعا اعىمداعى جوندەۋ جۇرگىزۋ جونىندەگى فۋنكسيالارىن اۋدان اكىمدىكتەرىنە بەرۋ ارقاسىندا ولار تۇرعىنداردىڭ وتىنىشتەرىنە دەرەۋ نازار اۋدارادى جانە جەرگىلىكتى جەرلەردە مەردىگەرلىك ۇيىمدارعا ءتيىستى باقىلاۋدى قامتاماسىز ەتە وتىرىپ، جۇمىستاردى ۋاقتىلى جۇرگىزەتىن بولادى.