بۇگىن "الماتى ارەنا" سپورت كەشەنىنىڭ وڭتۇستىك بولىگىندە، جاتتىعۋ زالى مەن مۇز ايدىنى بار ايماقتا ءورت وقيعاسى تىركەلدى. وقيعا سپورتتىق ينۆەنتارلار، سونىڭ ىشىندە ماتراستاردىڭ جانۋىنان باستالعان.
باقىتىمىزعا وراي، ءورت وشاعى تەز انىقتالىپ، دەر كەزىندە سوندىرىلگەن. ايتارلىقتاي شىعىن كەلمەگەنى بايقالادى. ءورت ءسوندىرۋ دەپوسىنىڭ كەشەنگە جاقىن ورنالاسۋى مەن مامانداردىڭ جەدەل ارەكەت ەتۋىنىڭ ارقاسىندا ۇلكەن اپاتتىڭ الدى الىندى.
كەشەن باسشىلىعى بۇل وقيعاعا قاتىستى تۇسىنىكتەمە بەرۋدەن باس تارتتى. ءبىراق، "الماتى ارەنا" تەز جاناتىن ماتەريالدارمەن قاپتالعان دەگەن پىكىرلەردى دە ەسكەرۋسىز قالدىرۋعا بولمايدى.
بۇل وقيعا قاۋىپسىزدىك شارالارىن كۇشەيتۋ قاجەتتىگىن تاعى ءبىر رەت دالەلدەيدى.