2023 جىلدىڭ قورىتىندىسى بويىنشا.
بۇل باعانى Fitch Ratings حالىقارالىق رەيتينگتىك اگەنتتىگى قويدى، دەپ حابارلايدى Almaty-akshamy.kz
«الماتى» اكك ەميتەنتىنىڭ ۇزاق مەرزىمدى دەفولت رەيتينگى «BBB-» دەڭگەيىندە باعالاندى، بولجام «تۇراقتى»، بۇل كورپوراسيانىڭ جاقسى كرەديت قابىلەتتىلىگىن، كرەديتتىك تاۋەكەلدەر بويىنشا تومەن كۇتۋلەردى بىلدىرەدى. قارجىلىق مىندەتتەمەلەردى ۋاقتىلى وتەۋ مۇمكىندىگى بارابار دەپ باعالانادى. بۇل رەيتينگ ينۆەستيسيالىق ساناتقا جاتادى.
«الماتى» اكك قىزمەتىن باعالاۋ مەگاپوليستىڭ ستراتەگيالىق باعدارلامالارىن، اتاپ ايتقاندا، بىركەلكى جانە تۇراقتى قالالىق ورتا قۇرۋ ءۇشىن پوليسەنتريستىك دامۋدى ىسكە اسىرۋمەن تىكەلەي بايلانىستى.
2023 جىلى كورپوراسيا ينۆەستيسيالاردىڭ جالپى سوماسى 1،3 ترلن تەڭگەدەن اساتىن جوبالاردى ىسكە اسىرۋدى باستادى. ولاردىڭ ىشىندە 5G جەلىسىن دامىتۋ ءۇشىن 16 قوس ماقساتتاعى تىرەكتى (قمت) سالۋ جوباسى بار. اكك-نىڭ سەرپىندى جوبالارىنىڭ ءبىرى – KASE-دە جاريالانعان «جاسىل» وبليگاسيالاردىڭ دەبيۋتتىك شىعارىلىمىنا كەپىلدىك بەرۋ. وسىلايشا، الماتى يندۋستريالىق ايماعىنىڭ اۋماعىندا يننوۆاسيالىق بيوازىقتىق قوسپالار مەن تىڭايتقىشتار وندىرەتىن زاۋىت سالۋعا قارجىلاندىرۋ تارتىلدى. سونداي-اق كورپوراسيا قالا تۇرعىندارىن ەكولوگيالىق كولىكپەن (ەلەكتروموبيلدەرمەن) قامتاماسىز ەتۋ بويىنشا ءبىرقاتار سەرۆيستىك جوبالارعا قولداۋ كورسەتتى.
«الماتى» اكك الەۋمەتتىك ماڭىزى بار ازىق-تۇلىك تاۋارلارىنا (ءامات) باعانى تۇراقتاندىرۋ تەتىكتەرىن ىسكە اسىرۋ شەڭبەرىندە وتكەن جىلى قالانىڭ ساۋدا وبەكتىلەرىنە 13،7 ملرد تەڭگەگە 200 مىڭ توننادان استام ءامات جەتكىزۋ قامتاماسىز ەتىلدى.
جايلى قالالىق ورتانى قۇرۋ باعىتىن ىسكە اسىرۋ ءۇشىن تۇرعىن ءۇي قورىن جاڭعىرتۋ باعدارلاماسىنا سايكەس الماتىدا 2021-2025 جىلدارعا ارنالعان 142 وتباسىن ەسكى تۇرعىن ۇيدەن جاڭا اباتتاندىرىلعان پاتەرلەرگە كوشىرۋ قامتاماسىز ەتىلدى.
«Almaty Business 2025» كاسىپكەرلىكتى قولداۋدىڭ وڭىرلىك باعدارلاماسى بويىنشا «الماتى» اكك ەنشىلەس ۇيىمدارى – «Almaty Finance» ج ش س جانە «Almaty» ميكروقارجى ۇيىمى» جشس-مەن 2023 جىلى جالپى سوماسى 6 677،6 ملن تەڭگەگە 152 جوبا قارجىلاندىرىلدى.
وتكەن جىلدىڭ قورىتىندىسى بويىنشا الدىن الا اۋديتتەلمەگەن دەرەكتەر بويىنشا «الماتى» اكك 8،024 ملرد تەڭگە سوماسىندا تازا پايدا الدى، كومپانيانىڭ اكتيۆتەرى 225،8 ملرد تەڭگەنى، مەنشىكتى كاپيتالى 167،5 ملرد تەڭگەنى قۇرادى. بيۋدجەتكە 8 ملرد تەڭگەدەن استام سالىق اۋدارىمدارى تۇرىندە تولەندى، سونداي-اق 9،5 ملرد تەڭگە سوماسىنا پروبلەمالىق اكتيۆتەردى قايتارۋ جۇزەگە اسىرىلدى.
ەستەرىڭىزگە سالا كەتەيىك، «الماتى» اكك قالانىڭ باسىم الەۋمەتتىك ماڭىزى بار ينۆەستيسيالىق جوبالارىن ىسكە اسىراتىن، بيزنەسكە قولداۋ كورسەتەتىن وڭىرلىك دامۋ ينستيتۋتى بولىپ تابىلادى.
ايتا كەتەيىك، Fitch Ratings حالىقارالىق رەيتينگتىك اگەنتتىكتەردىڭ «ۇلكەن ۇشتىگىنە» كىرەدى. اگەنتتىكتىڭ باستى مىندەتى – الەمدىك كرەديتتىك نارىقتارعا تاۋەلسىز جانە بولاشاققا باعدارلانعان كرەديت قابىلەتتىلىگىن باعالاۋدى، تالدامالىق زەرتتەۋلەر مەن دەرەكتەردى بەرۋ.
بۇعان دەيىن Fitch Ratings 2023 جىلعى جەلتوقساندا الماتى قالاسى ەميتەنتىنىڭ ۇزاق مەرزىمدى دەفولت رەيتينگتەرىن «تۇراقتى» بولجاممەن «BBB» دەڭگەيىندە راستاعان بولاتىن. بۇل دەگەنىمىز قارىزدى وپەراسيالىق تەڭگەرىممەن قامتاماسىز ەتۋ كورسەتكىشى اگەنتتىكتىڭ رەيتينگتىك سەنارييى بويىنشا اعىمداعى رەيتينگتەر دەڭگەيىنە سايكەس كەلەدى.