«الماتى» الەۋمەتتىك-كاسىپكەرلىك كورپوراسياسى بۇۇ-نىڭ جاھاندىق كەلىسىم شارتىنا (UN Global Compact) قوسىلدى. بۇل ادام قۇقىقتارى، ەڭبەك قاتىناستارى، قورشاعان ورتانى قورعاۋ جانە سىبايلاس جەمقورلىققا قارسى كۇرەس سالاسىنداعى تۇراقتى دامۋ قاعيداتتارى مەن قۇندىلىقتاردى ساقتاۋدى بىلدىرەدى.
«بۇل باستاماعا قوسىلۋ «الماتى» اكك-نىڭ ءوز قىزمەتىندە بۇۇ جاھاندىق كەلىسىم شارتىنىڭ ون ۋنيۆەرسالدى قاعيداتىن دايەكتى ەنگىزۋگە بەيىم ەكەنىن راستايدى. ولاردىڭ ىشىندە ادام قۇقىقتارىن ساقتاۋ، قورشاعان ورتانى قورعاۋ، سىبايلاس جەمقورلىققا توزبەۋشىلىك جانە باسقا دا قاعيداتتار بار. قاتىسۋشىلاردىڭ قىزمەتى ورنىقتى دامۋ سالاسىنداعى الەۋمەتتىك ماقساتتار مەن مۇددەلەرگە قولجەتكىزۋ ءۇشىن ءبىرىڭعاي تاسىلدەردى قولدانۋعا باعىتتالعان»، – دەدى «الماتى «اكك» اق باسقارما ءتوراعاسى ارمان شامشين.
وزىنە قابىلداعان مىندەتتەمەلەر اياسىندا الەۋمەتتىك-كاسىپكەرلىك كورپوراسيا جىل سايىن بۇۇ-نىڭ جاھاندىق كەلىسىم شارتى قاعيداتتارىن ساقتاۋ سالاسىنداعى ءوز جۇمىسىنىڭ ناتيجەلەرى تۋرالى ەسەپ بەرەتىن بولادى.
اعىمداعى جىلى «الماتى» اكك قوعام مەن قورشاعان ورتا الدىنداعى جاۋاپكەرشىلىگىن كورسەتە وتىرىپ، كورپوراتيۆتىك باسقارۋعا جانە ورنىقتى دامۋعا ەرەكشە نازار اۋدارادى. وسى اۋقىمدى باستاماعا قوسىلۋ اكك ءوزىن كليەنتتەر، ينۆەستورلار جانە باسقا دا مۇددەلى تاراپتار ءۇشىن الەۋمەتتىك جاۋاپتى جانە ەتيكالىق ۇيىم رەتىندە كورسەتۋگە مۇمكىندىك بەرەدى.
ەسكە سالساق، بۇۇ-نىڭ جاھاندىق كەلىسىم شارتى كورپوراتيۆتىك الەۋمەتتىك جاۋاپكەرشىلىك جانە تۇراقتى دامۋ سالاسىنداعى الەمدەگى ەڭ اۋقىمدى ەرىكتى باستاما بولىپ تابىلادى. بۇگىندە ول الەمنىڭ 160 ەلىنەن 20 000-نان استام قاتىسۋشىنى بىرىكتىرەدى.