الماتى اكىمىنىڭ ورىنباسارى تاعايىندالدى، - دەپ حابارلايدى aqshamnews.kz ءتىلشىسى.
الماتى اكىمى دارحان ساتىبالدىنىڭ وكىمىمەن جانە قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن الماتى قالاسى اكىمىنىڭ ورىنباسارى لاۋازىمىنا ولجاس سماعۇلوۆ تاعايىندالدى.
ولجاس سماعۇلوۆ تۋرالى نە بەلگىلى؟
الماتى قالاسىندا دۇنيەگە كەلگەن.
ولجاس مۇحتار ۇلى امەريكالىق حالىقارالىق ۋنيۆەرسيتەتىن، كاليفورنيا شتاتى پومونا پوليتەحنيكالىق ۋنيۆەرسيتەتىن، جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىن جانە لوندون ەكونوميكا جانە ساياسي عىلىمدار مەكتەبىن ءتامامداعان. ەكونوميكا، مەملەكەتتىك ساياسات جانە باسقارۋ سالالارىندا ماگيستر دارەجەسى بار.
ەڭبەك جولىن 2013 جىلى اتىراۋ وبلىسى اكىمى اپپاراتىنىڭ ۇيىمداستىرۋ-ينسپەكتورلىق جانە اقپاراتتىق-تالداۋ ءبولىمىنىڭ باس مامانى قىزمەتىنەن باستاعان.
ءار جىلدارى اتىراۋ وبلىسىنىڭ كاسىپكەرلىك جانە يندۋستريالدى-يننوۆاسيالىق دامۋ باسقارماسىندا باسشىلىق قىزمەتتەر اتقاردى. پرەمەر-مينيستر كەڭسەسىنىڭ الەۋمەتتىك-ەكونوميكالىق ءبولىمىنىڭ باس ساراپشىسى بولدى.
2015–2019 جىلدار ارالىعىندا اقتوبە وبلىسىندا بىرنەشە باسشىلىق قىزمەتتە جۇمىس ىستەدى.
2019–2021 جىلدارى پرەمەر-مينيستر كەڭسەسى باسشىسىنىڭ ورىنباسارى، پرەمەر-مينيستردىڭ كەڭەسشىسى قىزمەتتەرىن اتقاردى.
2021 جىلى قاراشادان باستاپ وسى ۋاقىتقا دەيىن پرەزيدەنت اكىمشىلىگىنىڭ الەۋمەتتىك-ەكونوميكالىق ساياسات ءبولىمى مەڭگەرۋشىسىنىڭ ورىنباسارى قىزمەتىندە بولدى.