الماتى اكىمى ەربولات دوسايەۆتىڭ حالىقپەن كەزەكتى كەزدەسۋى تۇركسىب اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان كەلىپ تۇسكەن ۇسىنىستار بويىنشا اتقارىلعان جۇمىستار تۋرالى ايتتى. كەزدەسۋگە 350-دەن استام ادام كەلدى، دەپ حابارلايدى اlmaty-akshamy.kz.
اۋدانداعى كوممۋنالدىق ينفراقۇرىلىمدى جاڭعىرتۋ پروبلەماسى وزەكتى ماسەلە بولىپ قالۋدا. "شۋاقتى"، "جاس قانات"، "تومەنگى بەسجىلدىق" شاعىناۋداندارى مەن زاكارپاتسكايا كوشەسىندە 138،2 كم جەلى قۇرىلىسى جۇرگىزىلۋدە. بۇگىندە 62،2 كم تارتىلدى، جىل سوڭىنا دەيىن 22،7 كم سۋ جانە كارىز قۇبىرلارىن جۇرگىزۋ اياقتالادى.
تۇرعىنداردى ۇزدىكسىز ەلەكتر قۋاتىمەن قامتاماسىز ەتۋ ءۇشىن اۋداندا 4،2 كم جەلى قايتا قۇرىلدى. جىل سوڭىنا دەيىن 11 كم ەلەكتر بەرۋ جەلىسىن جاڭعىرتۋدى اياقتاۋ جانە 100 كوشەنى سىرتقى جارىقتاندىرۋ جوسپارلانعان. سونداي-اق، 2023 جىلدىڭ ەكىنشى توقسانىندا پايدالانۋعا بەرىلۋى ءتيىس "تۇزدىباستاۋ" قوسالقى ستانسياسىن سالۋ بويىنشا جۇمىستار جۇرگىزىلۋدە. جولداردىڭ پايدالانۋ سيپاتتامالارىن جاقسارتۋ ءۇشىن جالپى ۇزىندىعى 10،3 كم 18 كوشەدە ورتاشا جوندەۋ اياقتالدى. قازان ايىنىڭ سوڭىنا دەيىن اۋداننىڭ تاعى 82 كوشەسىندە، سونداي-اق قۇلجا تراكتىسى - بۇقتىرما كوشەسىندەگى جولايرىعىنىڭ قۇرىلىسىن اياقتاۋ جوسپارلانۋدا.
قالا اكىمى اتاپ وتكەندەي، اۋداندا جاۋىن-شاشىن كەزىندە سۋ باسۋ ماسەلەسى وزەكتى بولىپ قالۋدا. وسى پروبلەمانى شەشۋ ءۇشىن اعىمداعى جىلى 11 ۋچاسكەدە (3،8 كم.) ارىقتاردى سالۋ جانە رەكونسترۋكسيالاۋ جانە الماتى-1 كوللەكتورىن قالپىنا كەلتىرۋ بويىنشا جوبالار ىسكە اسىرىلۋدا، ول زورگە كوشەسىندەگى جاڭبىر سۋىن تاراتۋدى قامتاماسىز ەتەدى.
وقۋشى ورىندارىنىڭ تاپشىلىعى ماسەلەسىن شەشۋ ءۇشىن اۋداندا 1350 ورىندىق 3 مەكتەپتى – №59، №195 جانە №198 كەڭەيتۋ بويىنشا جۇمىستار جۇرگىزىلۋدە. №59 مەكتەپ-گيمنازياسىنىڭ اۋماعىندا قازان ايىندا 300 وقۋشىعا ارنالعان جاڭا عيمارات پەن قوسىمشا قۇرىلىس سالىنادى. بۇل رەتتە ەسكى عيماراتتىڭ ءبىر بولىگى بۇزىلادى. №195 جانە №198 مەكتەپتەر بويىنشا 1050 ورىندى قوسالقى نىساندار قۇرىلىسىنىڭ جسق ازىرلەنۋدە. جسق-نى 2023 جىلعى شىلدەدە اياقتاۋ جوسپارلانۋدا. سونداي-اق جىل سوڭىنا دەيىن "قايرات" شاعىناۋدانىن 1500 ورىندىق مەكتەپتى پايدالانۋعا بەرۋ جوسپارلانۋدا.
مەكتەپكە دەيىنگى ۇيىمدارداعى ورىن تاپشىلىعىن قىسقارتۋ ماقساتىندا 730 ورىندىق 3 مەملەكەتتىك بالاباقشا سالۋ جوسپارلانۋدا. "قايرات" شاعىناۋدانىندا 260 ورىندىق بالاباقشا قۇرىلىسىن 2023 جىلى اياقتاۋ جوسپارلانعان.
مەديسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن تۇركسىب اۋدانىندا 1 ەمحانا مەن 3 وتباسىلىق-دارىگەرلىك امبۋلاتوريا (ودا) سالۋ جوسپارلانعان. 4ء-شى توقساندا “نۇرشاشقان" شاعىناۋدانىندا 100 كەلۋشىگە، ايباسوۆ كوشەسى بويىنا 200 كەلۋشىگە ارنالعان (ودا) وتباسىلىق- دارىگەرلىك امبۋلاتوريانىڭ قۇرىلىسى باستالادى. جىل سوڭىنا دەيىن "قايرات" شاعىناۋدانىندا ەمحانا سالۋعا (340 كەلۋشىگە ارنالعان) جسق ازىرلەنەدى. قۇرىلىس-مونتاج جۇمىستارىن 2023 جىلى باستاۋ جوسپارلانىپ وتىر. «المەرەك» شاعىناۋدانىندا 200 كەلۋشىگە ارنالعان امبۋلاتوريا سالۋ ءۇشىن جەر ۋچاسكەسىن ساتىپ الۋ راسىمدەرى جۇرگىزىلۋدە، 2023 جىلى جسق ازىرلەنەتىن بولادى.
اۋداندا جىل سوڭىنا دەيىن «جاس قانات» شاعىناۋدانىندا باسسەينى بار دەنە شىنىقتىرۋ-ساۋىقتىرۋ كەشەنىنىڭ (دسك) قۇرىلىسى اياقتالادى. سونداي-اق، جەلتوقسان ايىندا مايلين كوشەسى بويىنا سالىناتىن دسك جانە وگاريەۆ كوشەسى بويىنداعى دامۋ جانە شىعارماشىلىق ورتالىعىنىڭ جسق ازىرلەۋ اياقتالادى.
سونداي-اق، قالا اكىمى ەربولات دوسايەۆ "حالىقتىڭ بيۋدجەتكە قاتىسۋى" باعدارلاماسىن جۇزەگە اسىرۋدىڭ بارىسى تۋرالى حاباردار ەتتى. اعىمداعى جىلى اۋداندا 800 ملن تەڭگەگە 28 جوبا قولعا الىنعان. بۇگىندە 11 جوبا ىسكە قوسىلدى، قالعاندارى وسى جىلدىڭ قازان ايىنىڭ سوڭىنا دەيىن اياقتالادى.
الماتى اكىمىمەن كەزدەسۋ بارىسىندا تۇرعىندار جولداردى، كارىز جانە ەلەكتر جەلىلەرىن جوندەۋ، اباتتاندىرۋ جانە ت.ب. ماسەلەلەردى كوتەردى.
مەملەكەت باسشىسى قاسىم-جومارت توقايەۆتىڭ جارلىعىمەن بەكىتىلگەن حالىقپەن كەزدەسۋلەردىڭ جاڭا فورماتىنا سايكەس، جىل سوڭىنا دەيىن ەربولات دوسايەۆ حالىقپەن 24 كەزدەسۋ وتكىزەدى – توقسانىنا 8 اۋداننىڭ تۇرعىندارىمەن ءبىر-بىر كەزدەسۋ.