الماتى اكىمى دارحان ساتىبالدىنىڭ توراعالىعىمەن قالادا «تازا قازاقستان» رەسپۋبليكالىق ەكولوگيالىق اكسياسىن جۇزەگە اسىرۋ جانە الماتىنى كوگالداندىرۋ مەن اباتتاندىرۋدىڭ كۇزگى ناۋقانعا دايىندىعى بويىنشا جيىن ءوتتى. كەزدەسۋدە اۋدان اكىمدىكتەرى مەن سالالىق قىزمەت وكىلدەرىنىڭ ەسەپبى تىڭدالىپ، جازعى جۇمىس قورىتىندىلاندى جانە كۇزگى ەگىس ماۋسىمى بويىنشا ءىس-شارالار بەكىتىلدى، دەپ حابارلايدى اqshamnews.kz.
كۇزگى كەزەڭدە الماتىدا بيىكتىگى 4–5 مەتر بولاتىن 13 مىڭ ءىرى اعاش جانە شامامەن 100 مىڭ بۇتا وتىرعىزۋ جوسپارلانعان. جۇمىستار قالانىڭ 37 اۋماعىندا – ماگيسترالدى كوشەلەر بويىندا، سونداي-اق ساياباق پەن سكۆەرلەردە جۇرگىزىلەدى. كوكتەمدە بيىكتىگى 6 مەتردەن اساتىن 2 مىڭ ءىرى اعاش ەگىلگەن بولاتىن. ولاردىڭ قاتارىندا جوكە، شاعان، قاراعاش، قاراعاي، كۇمىس ۇيەڭكى جانە جاسىل شىرشا بار.
نەگىزگى اۋماقتاردىڭ ىشىندە – رىسقۇلوۆ داڭعىلى (500 اعاش، ءبىر بولىگى كوشىرۋ ارقىلى ساقتالادى)، جاڭا ساين كوشەسى (500 اعاش)، سونداي-اق «الماتى ارەنا» ماڭى (60 اعاش). الماتى اكىمى دارحان ساتىبالدى كوگالداندىرۋ ساپالى ءارى قالانىڭ كليماتتىق جانە توپىراقتىق ەرەكشەلىكتەرىن ەسكەرە وتىرىپ جۇرگىزىلۋگە ءتيىس ەكەنىن اتاپ ءوتتى.
«ءبىزدىڭ مىندەتىمىز – ەسەپ ءۇشىن اعاش وتىرعىزۋ ەمەس. ماڭىزدىسى – ولاردىڭ جەرسىنىپ، ءوسىپ، قالانىڭ ەكولوگياسىنا ۇزاق جىلدار پايدا اكەلۋى»، – دەدى ول.
اعاش وتىرعىزۋمەن قاتار الماتىدا سانيتارلىق تازالاۋ جانە اباتتاندىرۋ جۇمىستارى بەلسەندى ءجۇرىپ جاتىر. تەك مەدەۋ اۋدانىندا سوڭعى اپتالاردا 60 جەردە 31 جەرگىلىكتى سەنبىلىك وتكىپ، وعان 6 مىڭنان استام تۇرعىن، ەرىكتى جانە بيزنەس وكىلدەرى قاتىستى. 400-دەن استام تەحنيكا جۇمىلدىرىلىپ، 6 مىڭ تەكشە مەتردەن استام قوقىس شىعارىلدى. قالادا اۋلالاردى كەشەندى تازالاۋ جۇمىستارى ءجۇرىپ جاتىر: 158 اۋلا قامتىلدى، ال 10 قازانعا دەيىن تاعى 256 اۋلادا جۇمىستار اياقتالماق.
كوممۋنالدىق قىزمەتتەردىڭ جۇمىسىنا دا ەرەكشە نازار اۋدارىلۋدا. ناۋرىزباي اۋدانىندا ارىق جۇيەسىن تازالاۋ بويىنشا اۋقىمدى جۇمىس ءجۇرىپ جاتىر: ول 92 كوشەنى، جالپى ۇزىندىعى 100 كم-دەن استام اۋماقتى قامتيدى. جۇمىسشىلار مەن ارنايى تەحنيكا جۇمىلدىرىلعان. ەكى اپاتتى وتكەل جوندەلىپ، تاعى ەكەۋىنىڭ قۇرىلىسى باستالدى، ولار قازان ايىنىڭ ورتاسىنا دەيىن اياقتالادى.
سونىمەن قاتار قالانىڭ كوممۋنالدىق قىزمەتتەرى كۇشەيتىلگەن رەجيمدە – تاۋلىك بويى ءۇش اۋىسىمدا جۇمىس ىستەپ، كوشەلەردى ۋاقىتىلى تازالاۋدى جانە ءاربىر اۋداندا ءتارتىپتى قامتاماسىز ەتۋدە.
سونىمەن بىرگە اۋلالاردى اباتتاندىرۋ جالعاسۋدا: وتكەن جىلى 18 اۋلادا قورشاۋلار ورناتىلعان بولسا، بيىل تاعى 8 كم-دەن استام قورشاۋ قويۋ جوسپارلانعان. قالاداعى قوقىس جاشىگىنىڭ ماعىنا بەيناباقىلاۋ كامەرالارى ورناتىلۋدا: بيىلدىڭ وزىندە 220 كامەرا قويىلدى، تاعى 122-سىنە ءوتىنىم بەرىلگەن.