قاراعاندى وبلىسى مەن شىمكەنتتە تۇرعىن ءۇيدى جالداۋ اقىسىنا مەملەكەتتەن قولداۋ الۋعا ءوتىنىش بەرگەن 2300-دەن استام وتباسىنىڭ 913ء-ى اۋقاتتى بولىپ شىقتى، دەپ حابارلايدى Aqshamnews.kz ءتىلشىسى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، بىلتىر اتالعان ەكى وڭىردە ازاماتتاردىڭ ءال-اۋقاتىن باعالايتىن سكورينگتىك مودەل پيلوتتىق تۇردە ەنگىزىلگەن. وسى كەزەڭدە 27 مىڭنان استام ءوتىنىش تۇسكەن.
ۆەدومستۆونىڭ حابارلاۋىنشا، «تۇرعىن ءۇي كومەگىن تاعايىنداۋ»، «جەكە تۇرعىن ءۇي قورىنان جالعا الىنعان باسپانانىڭ جالداۋ اقىسىنىڭ ءبىر بولىگىن سۋبسيديالاۋ» جانە «مۇگەدەكتىگى بار بالالاردى ۇيدە وقىتۋ شىعىندارىن وتەۋ» قىزمەتتەرى بويىنشا شەشىم قابىلداۋدا وسى مودەل قولدانىلىپ كەلەدى. سونىڭ ىشىندە جالداۋ اقىسىنىڭ ءبىر بولىگىن سۋبسيديالاۋعا 2 356 ءوتىنىش ءتۇسىپ، تەكسەرۋ ناتيجەسىندە 913 وتباسىنىڭ اۋقاتتى ەكەنى انىقتالعان.
سونداي-اق 2025 جىلعى 1 قىركۇيەكتەن باستاپ مۇگەدەكتىگى بار بالالاردى ۇيدە وقىتۋ شىعىندارىن وتەۋ قىزمەتىنە ءوتىنىش قابىلداۋ باستالىپ، بارلىعى 1 741 ءوتىنىش تىركەلگەن. ۇپايلاۋ قورىتىندىسى بويىنشا ونىڭ 44ء-ى اۋقاتتى وتباسىلار ساناتىنا جاتقىزىلعان.