الماتى اكىمى دارحان ساتىبالدى وزبەكستان رەسپۋبليكاسىنىڭ توتەنشە جانە وكىلەتتى ەلشىسى ءباحتيور يبراگيموۆپەن كەزدەستى، - دەپ حابارلايدى Aqshamnews.kz.
كەزدەسۋ بارىسىندا تاراپتار ساۋدا-ەكونوميكالىق جانە مادەني-گۋمانيتارلىق بايلانىستاردى نىعايتۋ، سونداي-اق تۋريزم سالاسىنداعى تاجىريبە الماسۋ ماسەلەلەرىن تالقىلادى.
مەگاپوليس باسشىسى الماتى مەن وزبەكستان اراسىنداعى تاۋار اينالىمىنىڭ وڭ ديناميكاسىن اتادى. بيىل 9 ايدا كورسەتكىش 20%-عا ارتىپ، 850 ملن اقش دوللارىنا جەتتى. الماتى قالاسى ەكى ەل اراسىنداعى جالپى تاۋار اينالىمىنىڭ بەستەن ءبىر بولىگىن قامتاماسىز ەتىپ وتىر. قالادا وزبەك كاپيتالى بار 4 174 كاسىپورىن تىركەلگەن.
ءوز كەزەگىندە كورشىلەس ەلدىڭ ەلشىسى بۇل كورسەتكىشتەر ەكىجاقتى سەنىم مەن ارىپتەستىكتىڭ جوعارى دەڭگەيىن كورسەتەتىنىن اتاپ ءوتتى.