الماتى اكىمى ەربولات دوسايەۆتىڭ حالىقپەن كەزەكتى كەزدەسۋى مەدەۋ اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان تۇسكەن ۇسىنىستار بويىنشا اتقارىلعان جۇمىستار تۋرالى ايتىپ بەردى. كەزدەسۋگە 350-دەن استام ادام كەلدى، دەپ حابارلايدى اlmaty-akshamy.kz.
اۋداندا ينجەنەرلىك جانە كولىك ينفراقۇرىلىمىن مودەرنيزاسيالاۋ ماسەلەسى وزەكتى بولىپ قالا بەرەدى. وتكەن جىلى 5،4 كم سۋمەن جابدىقتاۋ جانە كارىز جەلىلەرى سالىندى جانە قايتا جاڭارتىلدى. 2023 جىلى تاعى 64،7 كم سالۋ جوسپارلانعان، ناتيجەسىندە التى شاعىناۋداننىڭ 19 مىڭنان استام تۇرعىنى قاجەتتى كوممۋنيكاسيالارعا قول جەتكىزە الادى. بۇدان باسقا، "دۋمان" شاعىناۋدانىندا 14 كم سۋ قۇبىرى جانە كارىز جەلىلەرىن سالۋعا جسق ازىرلەنۋدە.
سونداي-اق، اعىمداعى جىلدىڭ سوڭىنا دەيىن "تاستى ءۇستىرت"، "كولساي"، "مۇزتاۋ" جانە "وڭتۇستىك" شاعىناۋداندارىن ساپالى اۋىز سۋمەن قامتاماسىز ەتۋ ءۇشىن 4 جاڭا سۋ كوزدەرىن سالۋ جانە "بالقاش" رەزەرۆۋارلارى مەن سورعى ستانسياسىن تولىق رەكونسترۋكسيالاۋ جوسپارلانۋدا.
جول ينفراقۇرىلىمى جانە قاۋىپسىزدىك ماسەلەلەرى بويىنشا
وتكەن جىلى 27 شاقىرىمنان استام جول جوندەلىپ، 18 شاقىرىمنان استام تروتۋار جاسالدى. 2023 جىلى 37 كوشەدە تاعى 32 شاقىرىم جولدى جوندەۋ، اعىمداعى جوندەۋمەن 50 مىڭ شارشى مەتردى قامتۋ جوسپارلانۋدا. جىلجىمالى سوستاۆتى جاڭارتۋ ءۇشىن اعىمداعى جىلى 8 باعىتتا 126 اۆتوبۋس قاراستىرىلعان.
الماتى اكىمى اۋداننىڭ قوعامدىق قاۋىپسىزدىگىن قامتاماسىز ەتۋ شارالارى تۋرالى ماسەلەلەرگە توقتالدى. تاجىريبە كورسەتكەندەي، اۋدانداعى قىلمىستاردىڭ 80%-ى بەينەباقىلاۋ كامەرالارى ارقىلى اشىلادى. اعىمداعى جىلى الماتىدا 6000-نان استام كامەرا ورناتۋ جوسپارلانعان، ونىڭ 755ء-ى مەدەۋ اۋدانىندا بولادى. قازىرگى ۋاقىتتا ولاردى ورناتۋ ءۇشىن كوشەلەر ءتىزىمى دايىندالۋدا.
وقۋشى ورىندارىنىڭ تاپشىلىعىن ازايتۋ ءۇشىن بيىل №48 مەكتەپتىڭ جانىنان 250 ورىندىق قوسالقى نىساندى قايتا جاڭارتۋ جانە №131 مەكتەپتى سەيسميكالىق كۇشەيتۋمەن كۇردەلى جوندەۋ اياقتالادى. "جايلى مەكتەپ" ۇلتتىق جوباسى اياسىندا "شىعىس قاقپاسى" جاڭا پوليسيا ورتالىعىنىڭ اۋماعىندا 2000 ورىندىق جاڭا مەكتەپ سالىنادى.
اۋداندا مەكتەپكە دەيىنگى تاربيەنى ۇيىمداستىرۋعا، سونداي-اق بالالاردى ساۋىقتىرۋعا كوپ كوڭىل بولىنەدى. اعىمداعى جىلى 2 بالاباقشانى كۇردەلى جوندەۋ جوسپارلانعان. اعىمداعى جىلدىڭ ەكىنشى توقسانىندا "الاتاۋ" شاعىناۋدانىندا دەنە شىنىقتىرۋ-ساۋىقتىرۋ كەشەنىنىڭ اشىلۋى جوسپارلانعان.
مەديسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن اعىمداعى جىلدىڭ قاڭتار ايىندا اۋىسىمدا 200 ادام قابىلدايتىن وتباسىلىق-دارىگەرلىك امبۋلاتوريا جانە 2 فەلدشەرلىك-امبۋلاتوريالىق پۋنكت اشىلدى، بۇل "كەڭساي"، "كولساي" جانە "سۇلۋساي" شاعىناۋداندارىنىڭ 15 مىڭنان استام تۇرعىنىن مەديسينالىق قىزمەت كورسەتۋمەن قامتاماسىز ەتۋگە مۇمكىندىك بەردى.
اۋدان تۇرعىندارىن جايلى ءومىر ءسۇرۋ ورتاسىن جەتىلدىرۋ جانە اباتتاندىرۋ ماسەلەلەرى تولعاندىرادى. وتكەن جىلى وقۋشىلار سارايىنىڭ جانىنداعى سكۆەردى اباتتاندىرۋ جانە كوگالداندىرۋ جۇمىستارى جۇرگىزىلدى. مەملەكەتتىك مۇراجايدىڭ جانىنداعى ساياباقتى قايتا قۇرۋ جالعاسۋدا.
"حالىق قاتىساتىن بيۋدجەت" باعدارلاماسى بويىنشا وتكەن جىلى 19 جوبا ىسكە اسىرىلىپ، 20 اۋلا مەن كىشى الماتى وزەنىنىڭ جاعالاۋى اباتتاندىرىلدى. اعىمداعى جىلى وسى باعدارلاما بويىنشا 30 جوبا ىسكە اسىرىلاتىن بولادى، ونىڭ ىشىندە اۋلا اۋماقتارىن جوندەۋ، قوعامدىق ورىنداردى اباتتاندىرۋ جانە تەرەڭدەتىلگەن كونتەينەرلەردى ورناتۋ جوبالارى بار.
الماتى اكىمىمەن كەزدەسۋ بارىسىندا تۇرعىندار جولداردى جوندەۋ، كارىز جانە ەلەكتر جەلىلەرىن اباتتاندىرۋ، ت.ب. ماسەلەلەردى كوتەردى.