بۇل تۋرالى الماتى قالاسىنىڭ اكىمى ەربولات دوسايەۆ مالىمدەدى.
2022 جىلى اكىمدىك 3 بالاباقشادا (№114، 116، 141) سەيسميكالىق كۇشەيتۋ جۇمىستارىمەن بىرگە كۇردەلى جوندەۋ جۇرگىزدى. وسى جىلى 2 بالاباقشادا – «ايگەرىم» جانە №112 بالاباقشالاردا كۇردەلى جوندەۋ جۇرگىزۋ جوسپارلانعان. ۇزاق مەرزىمگە جالعا بەرىلگەن «ايگەرىم» بالاباقشاسى مەملەكەت مەنشىگىنە قايتارىلدى. ءقازىر بالاباقشانىڭ جوبالاۋ-سمەتالىق قۇجاتتاماسى ازىرلەنىپ جاتىر، اياقتالۋ مەرزىمى – 2023 جىلدىڭ مامىر ايى. №112 بالاباقشا بويىنشا ساراپتاما قورىتىندىسى الىندى. قۇرىلىس-مونتاجداۋ جۇمىستارى وسى جىلدىڭ مامىر ايىندا باستالادى.
بيىل "الاتاۋ" شاعىناۋدانىندا دەنە شىنىقتىرۋ-ساۋىقتىرۋ كەشەنىن اشۋ جوسپارلانۋدا. كەشەن قازان ايىندا پايدالانۋعا بەرىلۋى كەرەك ەدى، الايدا جوباداعى وزگەرىستەرگە بايلانىستى مەرزىمدەرى ۇزارتىلدى. قازىرگى ۋاقىتتا كەشەننىڭ 90%-ى دايىن.