الماتىنىڭ جەتىسۋ اۋدانىنداعى 43 جىل بولعان قۇبىردى اۋىستىرۋ: ينفراقۇرىلىمدىق جوبانى جاڭعىرتۋ قالاي ءجۇرىپ جاتىر؟
الماتى اكىمى ەربولات دوسايەۆ جۇمىس ساپارى جانە حالىقپەن ەسەپ بەرۋ كەزدەسۋى كەزىندە جەتىسۋ اۋدانىندا جىلۋ ماگيسترالىن جاڭعىرتۋدىڭ قالاي جۇرگىزىلىپ جاتقانىن تەكسەرىپ، الاتاۋ اۋدانىنىڭ سايالى شاعىن اۋدانىندا كارىز تاراتۋ جەلىسىنىڭ قۇرىلىس بارىسىمەن تانىستى، دەپ حابارلايدى Almaty-akshamy.kz
ديامەترى 250-دەن 600 مم-گە دەيىنگى جوندەۋگە بولاتىن جىلۋ ماگيسترالى 1981 جىلدان باستاپ پايدالانۋعا بەرىلدى جانە ءوزىنىڭ 25 جىلدىق نورماتيۆتىك مەرزىمىن وتەدى. سوڭعى بەس جىلدا قۇبىردا 20-عا جۋىق زاقىم تىركەلدى. 2022 جىلدان باستاپ الماتى اكىمىنىڭ تاپسىرماسى اياسىندا 5 865 مەتر جىلۋ ماگيسترالىن اۋىستىرۋ بويىنشا ءۇش جىلدىق جوبا باستالدى. ءقازىر اينابۇلاق-2 شاعىن اۋدانىنان پاۆلودار كوشەسىنە دەيىنگى اۋماقتا 2،1 شاقىرىم قۇبىردى قايتا جاڭارتۋ جۇمىستارى جۇرگىزىلىپ جاتىر، بۇل جۇمىس بيىل كۇزدە اياقتالادى دەپ جوسپارلانعان.
قۇبىر 344 كوپپاتەرلى ءۇيدىڭ، 11 مەكتەپتىڭ، 3 دەنساۋلىق ساقتاۋ نىسانىنىڭ جانە 483 وزگە دە نىسان تۇرعىندارىن جىلۋمەن جانە ىستىق سۋمەن قامتاماسىز ەتەدى. جاڭعىرتۋ وسى ۋچاسكەدەگى جىلۋ شىعىنىن، توزۋدى جانە اپاتتى ازايتۋعا مۇمكىندىك بەرەدى.
جۇمىس جۇرگىزۋ كەزىندە تۇرعىندار ءۇشىن ىستىق سۋمەن جابدىقتاۋدىڭ ۋاقىتشا سحەماسى كوزدەلگەن.
الاتاۋ اۋدانىندا ەربولات دوسايەۆ سايالى شاعىن اۋدانىنداعى كارىز تاراتۋ جەلىلەرى بويىنشا قۇرىلىس جۇمىستارىن بارىسىن تەكسەردى.
15 جىل بۇرىن قۇرىلعان شاعىن اۋدان ورتالىق سۋمەن جابدىقتاۋ جەلىسىنە قوسىلعان، الايدا الاتاۋ اۋدانىنىڭ اكىمدىگى مەملەكەتتىك باسقارۋ جۇيەسىن ورتالىقسىزداندىرۋدىڭ ارقاسىندا بيىل عانا جەكە سەكتور ءۇشىن كارىز جەلىلەرىن سالا الدى.
بيىل ماۋسىم ايىندا 1،4 كم جەلىنىڭ قۇرىلىسى باستالدى، وسى جىلدىڭ تامىزىندا اياقتالادى دەپ جوسپارلانىپ وتىر. سونىڭ ناتيجەسىندە ورتالىق كارىز جەلىسىمەن 600-گە جۋىق ادام قامتاماسىز ەتىلەدى.
الماتىنىڭ الاتاۋ اۋدانىندا ءقازىر العاباس، شاپاعات، بولاشاق، راحات-مادەنيەت، وجەت، سايالى، بورالداي جانە اقبۇلاق سياقتى 8 شاعىن اۋدانداردا ينجەنەرلىك جەلىلەردى سالۋ جۇمىستارى جۇرگىزىلىپ جاتىر. جەلىلەردىڭ جالپى ۇزىندىعى 315،88 كم.
«جەر تەلىمى قالاعا قوسىلماي تۇرىپ الىنعان. 2014 جىلدان باستاپ قۇرىلىس جۇمىستارى قارقىندى ءجۇردى جاتتى، ارينە، ءبىرىنشى كەزەكتە جول جانە ينجەنەرلىك ينفراقۇرىلىمدى قاراستىرۋ قاجەت بولدى. دەگەنمەن، مۇندا ادامدار ءومىر ءسۇرىپ جاتقاندىقتان، جايلى جاعداي جاساۋ كەرەك. 2023 جىلدان باستاپ الاتاۋ اۋدانىندا سۋمەن جابدىقتاۋ جانە سۋ بۇرۋ، ەلەكتر قۋاتىن وتكىزۋ بويىنشا اۋقىمدى جوبالار جۇرگىزىلۋدە، گاز جۇرگىزۋ ماسەلەسى شەشىلدى. وسى جوبالاردىڭ ارقاسىندا الاتاۋ اۋدانىنىڭ جەكە سەكتورىنىڭ تۇرعىندارى العاش رەت قالالىق كوممۋنالدىق قىزمەتتى پايدالانا الادى»، - دەدى ەربولات دوسايەۆ.
قالا باسشىسى قۇرىلىس-مونتاج جۇمىستارىن ساپالى جۇرگىزۋدى جانە ينفراقۇرىلىمدىق نىسانداردى جاڭعىرتۋدى مەرزىمىندە اياقتاۋدى تاپسىردى.