الماتى اكىمى ەربولات دوسايەۆ المالى اۋدانىنىڭ وزەكيى ماسەلەلەرىمەن تانىستى، دەپ حابارلايدى اlmaty-akshamy.kz.
قالا باسشىسى جۇمىس ساپارىن قالالىق ريەۆماتولوگيالىق ورتالىقتى ارالاۋدان باستادى. بۇل - ريەۆماتولوگيالىق اۋرۋلارى بار ناۋقاستارعا ارنالعان ەلدەگى جالعىز مامانداندىرىلعان مەديسينالىق مەكەمە.
اۋرۋحاناعا جاتۋ كەزەگىندە ەلىمىزدىڭ تۇكپىر-تۇكپىرىنەن 532 ادام تۇر. وتكەن عاسىردىڭ 40-شى جىلدارىندا سالىنعان ورتالىق عيماراتىنىڭ ءوزى كەڭەيتۋ مەن جوندەۋدى قاجەت ەتەدى. ە.دوسايەۆ جايلى قالالىق ورتا جانە جەر قاتىناستارى باسقارمالارىنا عيماراتتى كۇردەلى جوندەۋ قاجەتتىلىگى تۋرالى ماسەلەلەردى پىسىقتاۋدى، سونداي-اق بۇرىنعى عيماراتتىڭ ورنىنا جاڭا كورپۋس سالۋ بويىنشا ۇسىنىستار ەنگىزۋدى تاپسىردى.
تۇركەبايەۆ كوشەسى، 93 مەكەنجايىندا ورنالاسقان №144 مەكتەپتە وقۋشى ورىندارىنىڭ تاپشىلىعىن جويۋ ءۇشىن 300 بالاعا ارنالعان كورپۋستىڭ قۇرىلىسى اياقتالدى. اعىمداعى جىلدىڭ ناۋرىز ايىندا برۋسيلوۆسكيي كوشەسى، 15 مەكەنجايىنداعى №34 گيمنازيادا 550 ورىندىق جاڭا كورپۋستى ىسكە قوسۋ جوسپارلانۋدا. جايلى قالالىق ورتا جانە ءبىلىم بەرۋ باسقارمالارىنا «ورتا جانە مەكتەپكە دەيىنگى ءبىلىم بەرۋ وبەكتىلەرىن رەنوۆاسيالاۋ» باعدارلاماسىن قابىلداۋ قاجەتتىلىگى ماسەلەسىن زەردەلەۋ تاپسىرىلدى.
ارالاۋ بارىسىندا قالا باسشىسى №2 وقۋشىلار ۇيىنە باردى. 1936 جىلى سالىنعان قاڭقالى-قامىستى قۇرىلىس عيماراتى اپاتتى جاعدايدا تۇر. بۇگىندە ۇيىرمەلەرگە كۇن سايىن 800-دەن استام بالا قاتىسادى. الماتى اكىمى جايلى قالالىق ورتا، قالالىق جوسپارلاۋ جانە ۋربانيستيكا، ءبىلىم باسقارمالارىنا قولدانىستاعى عيماراتتىڭ ورنىنا جاڭا عيمارات سالۋ ماسەلەسىن قاراستىرۋدى تاپسىردى.
اۋداندى ارالاۋ بارىسىندا الماتى اكىمى شيەۆچەنكو - ماناس - جامبىل - بايزاقوۆ كوشەلەرىنىڭ شارشىسىنداعى ەسكى ۇيلەردىڭ تۇرعىندارىمەن كەزدەستى. ە.دوسايەۆ ۇيلەر مەن ينجەنەرلىك جەلىلەردىڭ جاعدايىنا تەحنيكالىق اۋديت جۇرگىزۋدى تاپسىردى.
جۇمىس ساپارىنىڭ سوڭىندا ەسىرتكى قىلمىستارى مەن جاسوسپىرىمدەر اراسىنداعى ناشاقورلىقتىڭ الدىن الۋعا باعىتتالعان «ناركوStop» الەۋمەتتىك جوباسىنىڭ اۆتورلارىمەن جانە ەرىكتىلەرمەن تانىستى. پيلوتتىق جوبا 2021 جىلدىڭ قازان ايىندا المالى اۋدانى اكىمىنىڭ قولداۋىمەن جانە الماتى قالاسى پوليسيا دەپارتامەنتى مەن قوعام بەلسەندىلەرىنىڭ قولداۋىمەن ىسكە قوسىلدى. قالا اكىمى قوعامدىق دامۋ باسقارماسىنا الەۋمەتتىك باستاماعا قولداۋ كورسەتىپ، مەگاپوليستىڭ باسقا اۋداندارى بويىنشا جوبانى «كوبەيتۋ» مۇمكىندىگىن قاراستىرۋدى تاپسىردى.
ارالاۋ قورىتىندىسى بويىنشا قالا باسشىسى ە.دوسايەۆ المالى اۋدانىنىڭ اكىمى ە.سەيتەنوۆتىڭ جۇمىسىن ماقۇلدادى جانە الەۋمەتتىك ينفراقۇرىلىمدى ودان ءارى دامىتۋ جانە وزەكتى ماسەلەلەردى شەشۋ بويىنشا جۇمىستى جالعاستىرۋدى تاپسىردى.