قازاقستاننىڭ وليمپيادالىق سپورتشىلارىنىڭ سىياقى كولەمى بەلگىلى بولدى

ولارعا 60 ميلليون تەڭگە تولەنەتىن بولدى.

ۇلتتىق قۇراما وكىلدەرى بەيجىڭ وليمپياداسىندا جۇلدەلى ورىندارعا يە بولعان جوق. دەگەنمەن ولار بيۋدجەتتەن 60 ميلليون تەڭگە كولەمىندە سىياقى الادى، دەپ حابارلايدى Almaty-akshamy.kz Turkystan.kz سىلتەمە جاساپ.

بەيجىڭگە بارعان ۇلتتىق قۇرامانىڭ تۋ ۇستاۋشىسى ابزال اجعالييەۆ مەملەكەت بيۋدجەتىنەن 40 مىڭ دوللار (17،1 ميلليون تەڭگە)، ال قالعان شورت-ترەكشىلەر دەنيس نيكيشا، ءادىل عالياحمەتوۆ، ولگا تيحونوۆا جانە يانا حان 10 مىڭ دوللاردان (4،1 ميلليون تەڭگە) سىياقى الادى.

ەرەجەگە سايكەس، وليمپيادادا 1-شىدەن 6-ورىنعا دەيىنگى ورىندار ءۇشىن وسىنداي قارجى سپورتشىلاردىڭ جاتتىقتىرۋشىلارىنا دا تولەنەدى. كوماندالىق سپورت تۇرلەرى بويىنشا تابىستى ونەر كورسەتكەنى ءۇشىن كوماندانىڭ 3 جاتتىقتىرۋشىسىنا بىردەي مولشەردە سىياقى قاراستىرىلعان.

ءسويتىپ، قىسقى وليمپيادا قورىتىندىسى بويىنشا، قازاقستان سپورتشىلارى مەن جاتتىقتىرۋشىلارىنا جالپى سوماسى 140 مىڭ دوللار (60 ميلليون تەڭگە) تولەنەتىن بولدى. قاراجات رەسپۋبليكالىق بيۋدجەتتەن اۋدارىلادى.

ايتا كەتسەك، جازعى جانە قىسقى وليمپيادا جەڭىمپازدارىنا تولەنەتىن تولەمدەر قازاقستان رەسپۋبليكاسى ۇكىمەتىنىڭ 2014 جىلعى 19 جەلتوقسانداعى №1435 قاۋلىسىمەن رەتتەلەدى.