الماتى اكىمى ەربولات دوسايەۆتىڭ قالا تۇرعىندارىمەن كەزەكتى كەزدەسۋى بوستاندىق اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان تۇسكەن ۇسىنىستار بويىنشا اتقارىلعان جۇمىستار تۋرالى ايتىپ بەردى. كەزدەسۋگە 200-دەن استام ادام كەلدى، دەپ حابارلايدى almaty-akshamy.kz
بوستاندىق اۋدانى ءۇشىن ەڭ وزەكتى ماسەلەلەر ينجەنەرلىك كوممۋنيكاسيالاردى مودەرنيزاسيالاۋ، جول جانە الەۋمەتتىك ينفراقۇرىلىمدى دامىتۋ، قوعامدىق كەڭىستىكتەردىڭ بولماۋى جانە جالپى اۋداندى اباتتاندىرۋ بولىپ تابىلادى.
ەربولات دوسايەۆ قالانىڭ وڭتۇستىك بولىگىن ەنەرگيامەن جابدىقتاۋ ساپاسىن ارتتىرۋ ءۇشىن «الماگۇل» ش/ا ەلەكتر قوسالقى ستانسياسى سالىندى جانە ۇزىندىعى 4،8 كم جاڭا كابەل جەلىلەرى سالىنعانىن اتاپ ءوتتى. اعىمداعى جىلدىڭ ماۋسىم ايىندا قوسالقى ستانسيانى ىسكە قوسۋ اۋداننىڭ 200 مىڭعا جۋىق تۇرعىنىن ۇزدىكسىز ەلەكترمەن جابدىقتاۋمەن قامتاماسىز ەتەدى.
سونداي-اق ماۋسىم ايىندا "ەرمەنساي"، "رەميزوۆكا"، "كوكشوقى" شاعىناۋداندارىندا 47،2 كم ەلەكتر جەلىلەرىن قايتا جاڭارتۋعا كىرىسەدى. جۇمىستاردى اياقتاۋ 2024 جىلدىڭ ساۋىرىنە جوسپارلانعان.
اۋداندا جول ينفراقۇرىلىمىن دامىتۋ وزەكتى ماسەلە بولىپ قالا بەرەدى. اۋداندا جالپى ۇزىندىعى 28 كم بولاتىن 24 كوشەنى ورتاشا جوندەۋ جوسپارلانعان. جۇمىس مامىر ايىندا باستالىپ، قاراشا ايىندا اياقتالادى. اعىمداعى جوندەۋ جۇمىستارى ءۇشىن بيىل اۋدانعا 250 ملن تەڭگە بەرىلدى ءارى 16،5 مىڭ م² جولدى جوندەۋ جوسپارلانعان.
جازدا ەسەنتاي وزەنى ارقىلى وتەتىن كوپىردى رەكونسترۋكسيالاۋ باستالادى، ەرەكشە قاجەتتىلىكتەرى بار ادامدارعا ارنالعان قۇرىلعىلارى بار 2 جاياۋ كوپىر سالىنىپ، پاندۋس ورناتىلادى.
اۋداننىڭ مەكتەپتەرى مەن مەكتەپكە دەيىنگى ۇيىمدارىندا ورىن تاپشىلىعى پروبلەماسىن جۇيەلى شەشۋ ءۇشىن 9200 ورىندىق 6 جاڭا مەكتەپ جانە 980 ورىندىق 4 بالاباقشا، سونداي-اق 400 ورىندىق 8 جەكەمەنشىك بالاباقشا سالۋ جوسپارلانعان. ونىڭ ىشىندە «جايلى مەكتەپ» جوباسى بويىنشا اعىمداعى جىلدىڭ قىركۇيەك ايىندا 3 مەكتەپتىڭ قۇرىلىسىن باستاۋ جوسپارلانۋدا.
قالا قادامدىق قولجەتىمدىلىك تۇجىرىمداماسى اياسىندا ساپالى مەديسينالىق قىزمەت كورسەتۋ ماسەلەلەرىنە ەرەكشە نازار اۋدارادى. اعىمداعى جىلى 5 دەنساۋلىق ساقتاۋ نىسانىن سالۋ، رەكونسترۋكسيالاۋ جانە كۇردەلى جوندەۋ، ونىڭ ىشىندە ءارقايسىسى 500 ورىندىق 2 ەمحانا جانە 500 توسەك-ورىندىق قالالىق ورتالىق كلينيكالىق اۋرۋحانانىڭ جاڭا كورپۋسىن سالۋ جوسپارلانعان.
اۋداندا ۇنەمى سۋ باسۋ ورىندارى ماسەلەسى بەلسەندى تۇردە شەشىلۋدە. تج جەلىسى بويىنشا پروبلەمالىق 6 ۋچاسكە جويىلدى. اعىمداعى جىلدىڭ سوڭىنا دەيىن 89 كوشەدە ۇزىندىعى 55،2 كم ارىق جەلىلەرىن رەكونسترۋكسيالاۋدى اياقتاۋ جوسپارلانۋدا، بۇل سۋ تاسقىنى كەزەڭىندە سۋ باسۋ ءقاۋپىن جويۋعا نەمەسە ازايتۋعا مۇمكىندىك بەرەدى. قاۋىپسىزدىك ماسەلەلەرى ءداستۇرلى تۇردە باسىمدىققا يە. ۆيدەومونيتورينگ جۇيەلەرىنىڭ جەلىسىن كەڭەيتۋ ءۇشىن اۋداندا قوسىمشا 750 كامەرا ورناتىلاتىن مەكەنجايلار ءتىزىمى انىقتالدى.
اۋداننىڭ 18 كم جارىقتاندىرىلماعان كوشەلەرىنە 751 جارىقتاندىرۋ باعاناسىن ورناتۋ جۇمىستارى اياقتالدى. تاعى 42 جارىعى جوق كوشەنى جارىقتاندىرۋ ءۇشىن جسق ازىرلەۋ جوسپارلانعان.
اكىممەن وتكەن تۇراقتى كەزدەسۋلەر بارىسىندا تۇرعىندار جايلى قالالىق ورتانى دامىتۋ جونىندە تىلەكتەرىن ءبىلدىردى. وسىعان بايلانىستى «يۋجنىي» پاركىنىڭ مەملەكەتتىك مەنشىككە قايتارىلعان بولىگىن اباتتاندىرۋ جالعاستىرىلاتىن بولادى. سونداي-اق، تۇرعىنداردىڭ جايلى تۇرۋى ءۇشىن 4 قوعامدىق كەڭىستىكتى، اتاپ ايتقاندا، ۇلكەن الماتى جاعالاۋىن، سونداي-اق «سۇڭقار» شاڭعى ترامپليندەرىنىڭ حالىقارالىق كەشەنىنە ىرگەلەس اۋماقتى اباتتاندىرۋ جوسپارلانۋدا.
«حالىق قاتىساتىن بيۋدجەت» باعدارلاماسىنىڭ تابىستى تاجىريبەسى قالا اكىمىنىڭ وسى باعدارلامانى ىسكە اسىرۋعا قوسىمشا قارجىلاندىرۋ ءبولۋ تۋرالى شەشىمىنە ىقپال ەتتى. بوستاندىق اۋدانىنا 875 ملن تەڭگە ءبولىندى. اۋدان تۇرعىندارىنان 100 ۇسىنىس كەلىپ ءتۇستى، جوبالاردى ىرىكتەۋ ءراسىمى 1 مامىرعا دەيىن اياقتالادى.