قالا باسشىسى ەربولات دوسايەۆ ايەلدى اۆتوبۋستا كۇش كورسەتۋدەن قۇتقارىپ قالعان رايىمبەك مەدەتبەكپەن كەزدەستى. الماتى اكىمى وعان ەرلىگى، باتىلدىعى مەن بەلسەندى ازاماتتىق ۇستانىمى ءۇشىن العىس ايتتى، سونىمەن قاتار العىس حات پەن باعالى سىيلىقتى تابىس ەتتى، دەپ حابارلايدى اlmaty-akshamy.kz.
23 جاستاعى رايىمبەك مەدەتبەك ءال-فارابي اتىنداعى قازاق ۇلتتىق ۋنيۆەرسيتەتىنىڭ تۇلەگى، الماتى قالاسى ەكولوگيا جانە قورشاعان ورتا باسقارماسىنىڭ «مەدەۋ» مەملەكەتتىك وڭىرلىك تابيعي پاركى» كمم جۇمىس ىستەيدى.
جۇمىس بارىسىندا ءوزىن تەوريالىق ءبىلىمى مەن پراكتيكالىق داعدىلارى بار جاۋاپتى جانە باستاماشىل مامان رەتىندە جاقسى جاعىنان كورسەتتى.
ەسكە سالساق، بۇعان دەيىن الماتىدا ەر ادام اۆتوبۋستا ايەلگە پىشاق سالعان بولاتىن. رايىمبەك مەدەتبەك پەن كۋاگەرلەردىڭ جەدەل ارەكەتتەرىنىڭ ارقاسىندا كۇش كورسەتۋشى زالالسىزداندىرىلىپ، ايەلدىڭ ءومىرىن ساقتاپ قالدى.