الماتىدا مۇگەدەكتەر ارباسىنداعى جولاۋشىعا نازار اۋدارعان №66 قالالىق مارشرۋتتىڭ اۆتوبۋس جۇرگىزۋشىسى قانات احمەتوۆ مەگاپوليس اكىمى ەربولات دوسايەۆتىڭ اتىنان العىس الدى، دەپ حابارلايدى aqshamnews.kz
بۇعان دەيىن ەكواكتيۆيست ەۆگەنيي مۇحامەدجانوۆ الەۋمەتتىك جەلىلەردە مۇگەدەكتەر ارباسىنداعى جولاۋشىعا بەرىلگەن كوتەرگىشتىڭ كومەگىمەن كولىك قۇرالىنا كىرۋگە كومەكتەسكەن اۆتوبۋس جۇرگىزۋشىسىنىڭ مەيىرىمدى جانە ۇقىپتى ەكەنىنە قالاي كۋا بولعانى تۋرالى اڭگىمەلەگەن ەدى. كەيىنىرەك بۇل جاريالانىمعا قالا تۇرعىندارى كوپتەگەن جىلى لەبىزدەر ءبىلدىردى.
قالا باسشىسىنىڭ اتىنان جۇرگىزۋشىگە باعالى سىيلىق پەن العىس حاتتى تابىستاعان «الماتىەلەكتروترانس»اۆتوپاركىنىڭ باسشىسى الەكساندر بەيسەمبييەۆ ونىڭ كاسىبيلىگىن جانە باۋىرمالدىعىن ەرەكشە اتاپ ءوتتى.
اۆتوبۋس جۇرگىزۋشىسى قانات احمەتوۆ قالا باسشىسىنىڭ ءوزىنىڭ ىسىنە نازار اۋدارعانىنا جانە قالا باسشىلىعىنىڭ جىلى سوزدەرىنە ريزاشىلىعىن ءبىلدىردى.
«مەن ءوز جۇمىسىمدى تەك نۇسقاۋلىقتا كورسەتىلگەن ءىس-قيمىلدى ورىنداۋ جانە قوعامدىق كولىك جۇرگىزۋشىسى قانداي بولۋى ءتيىس ەكەندىگىن ءتۇسىنۋ ارقىلى جاسادىم. ءبىز جولاۋشىلاردى تاسىمالداپ قانا قويمايمى، سونىمەن قاتار كۇن سايىن ادامداردىڭ قاۋىپسىزدىگى مەن جايلىلىعىنا ءمان بەرەمىز. كەز كەلگەن ارىپتەسىمنىڭ وسىنداي يگى ءىستى اتقاراتىنىنا سەنىمدىمىن»، - دەدى قانات احمەتوۆ.
قانات احمەتوۆ ءتورت بالانى تاربيەلەپ وتىر، «الماتىەلەكتروترانس» اۆتوبۋسىنىڭ جۇرگىزۋشىسى بولىپ ءبىر جىلعا جۋىق جۇمىس ىستەيدى.