الماتى اكىمى ەربولات دوسايەۆ پەن اقش ساۋدا پالاتاسىنىڭ تاياۋ شىعىس، تۇركيا جانە ورتالىق ازيا ىستەرى جونىندەگى اعا ۆيسە-پرەزيدەنتى كۋش چوكسي ەكونوميكالىق بايلانىستاردى نىعايتۋ جانە قالانىڭ بيزنەس-ەكوجۇيەسىن دامىتۋ ماقساتىندا ەكىجاقتى ىنتىماقتاستىق ماسەلەلەرىن تالقىلادى. كەزدەسۋگە اقش-تىڭ الماتى قالاسىنداعى باس كونسۋلى كەرولين سيەۆيدج، قازاقستان-امەريكا ىسكەرلىك كەڭەسىنىڭ باس اتقارۋشى ديرەكتورى دجەننيفەر ميلل، ىسكەر توپتاردىڭ وكىلدەرى (Chevron، Valmont Irrigation، Coca Cola، Mastercard، Borusan Caterpillar، Honeywell Kazakhstan) قاتىستى، دەپ حابارلايدى almaty-akshamy.kz
الماتى رەسپۋبليكانىڭ ءىرى قالاسى جانە قارجى ورتالىعى رەتىندە قازاقستان مەن قۇراما شتاتتارى اراسىنداعى ساۋدا مەن ينۆەستيسيالاردى ىلگەرىلەتۋدە ماڭىزدى ءرول اتقارادى.قالادا 128 بىرلەسكەن كاسىپورىن جانە 399 امەريكاندىق كومپانيا تىركەلگەن (بارلىعى قر-دا – 695). الماتى مەن اقش اراسىنداعى تاۋار اينالىمى 2022 جىلى 21،7%-عا ۇلعايىپ، 805،7 ملن دوللاردى قۇرادى.
ەربولات دوسايەۆ اتاپ وتكەندەي، الماتى ينۆەستيسيالىق سەنىمدىلىك دەڭگەيى جونىندەگى پوزيسياسىن ساقتايدى. مەگاپوليستىڭ ينۆەستيسيالىق تارتىمدىلىعىن 2022 جىلعى جەلتوقساندا Fitch Ratings اگەنتتىگى "تۇراقتى" بولجامىمەن «ۆۆۆ» دەڭگەيىندە راستالدى. قالانىڭ ۇلەسىنە ەل ءجىو-نىڭ بەستەن ءبىر بولىگى (2022 جىلى 18،5%) جانە قازاقستان رەسپۋبليكاسى بيۋدجەتىنىڭ بارلىق كىرىستەرىنىڭ تورتتەن بىرىنەن استامى تيەسىلى. شاعىن جانە ورتا كاسىپورىندار قالا ەكونوميكاسىنىڭ شامامەن 60%-دى قۇرايدى جانە ونىڭ ءوسۋىنىڭ نەگىزگى قوزعاۋشى كۇشى بولىپ تابىلادى. الماتىنىڭ ينفراقۇرىلىمىن دامىتۋ جانە لوگيستيكالىق مۇمكىندىكتەرى وڭىرلىك بايلانىستاردى، ساۋدا مارشرۋتتارى مەن كولىك جەلىلەرىن نىعايتۋعا ىقپال ەتۋى مۇمكىن.
ءوز كەزەگىندە كۋش چوكسي مىرزا ءوزارا ءتيىمدى سەرىكتەستىكتى كەڭەيتۋگە دايىن ەكەنىن ءبىلدىردى. اقش ساۋدا پالاتاسى 3 ميلليوننان استام كومپانيانى، جەكەلەگەن شتاتتار مەن مۋنيسيپاليتەتتەردىڭ 3 مىڭعا جۋىق ساۋدا پالاتالارىن، 830 قاۋىمداستىقتى جانە شەت ەلدەردەگى 111 امەريكاندىق ساۋدا پالاتالارىن بىرىكتىرەدى. قازاقستاندا اقش ساۋدا پالاتاسىنىڭ قۇرىلىمدىق بىرلىگى قازاقستان-امەريكا ىسكەرلىك كەڭەسى (USKZBC) بولىپ تابىلادى، ونىڭ قۇرامىندا 26 مۇشە بار.
كەزدەسۋ قورىتىندىسى بويىنشا تاراپتار ەكىجاقتى قاتىناستاردى ودان ءارى دامىتۋ، ينۆەستيسيالار تارتۋ جانە الماتى مەن امەريكا قۇراما شتاتتارى اراسىنداعى ەكونوميكالىق بايلانىستاردى كەڭەيتۋ تۋرالى ۋاعدالاستى.