جۇمىس ساپارى بارىسىندا قالا اكىمى دارحان ساتىبالدى تۇركسىب اۋدانىنداعى «Altyn City» تۇرعىندارىمەن جۇزدەستى.
كەزدەسۋدە تۇرعىندار ينجەنەرلىك ينفراقۇرىلىمعا قاتىستى ماسەلەلەردى كوتەردى. اتاپ ايتقاندا، جارىقپەن قامتۋ، قازاندىقتاردىڭ جۇمىسى جانە ينجەنەرلىك جەلىلەردىڭ جاعدايى ءسوز بولدى.
قۇرىلىس كومپانياسى سالعان ەلەكتر جەلىلەرى ءالى قالا بالانسىنا وتكىزىلمەگەن. سونىمەن بىرگە تۇرعىن ءۇي كەشەنىن «تۇزدىباستاۋ» قوسالقى ستانساسىنا قوساتىن رەزەرۆتىك كابەل تارتىلماعان.
اۋماعىندا ەكى قازاندىق بار، ەكەۋى دە قۇرىلىس كومپانياسىنىڭ يەلىگىندە. سونىڭ ءبىرى 15 ۇيگە ەسەپتەلگەن، ءقازىر اپاتتى جاعدايدا. دارحان ساتىبالدى قۇرىلىس كومپانياسىنا ونى جىلىتۋ ماۋسىمىنا دەيىن جوندەۋدى جانە بۇكىل اۋماقتى قامتيتىن جاڭا قازاندىق سالۋدى تاپسىردى.
ءدال وسىنداي جاعداي اۋىزسۋ، كارىز جانە گاز جەلىلەرىندە دە بار – ولار دا قالا بالانسىنا وتپەگەن. اكىم قۇرىلىس كومپانياسىنا، قۇرىلىس باسقارماسىنا جانە اۋدان اكىمدىگىنە بۇل ماسەلەلەردى قىركۇيەك ايىنىڭ سوڭىنا دەيىن شەشۋدى جۇكتەدى.
جىل سوڭىنا دەيىن مۇندا 1500 ورىندىق مەكتەپ اشىلادى. سونداي-اق قۇرىلىس كومپانياسى بالاباقشا سالۋدى جوسپارلاپ وتىر.