الماتىداعى وكق-دا وتكەن بريفينگ بارىسىندا مەگاپوليس اكىمى ەربولات دوسايەۆ جۋرناليستەردىڭ كوشەنى جارىقتاندىرۋ جاعدايى، بۇل ماسەلەنىڭ قانشالىقتى شەشىلگەنى جانە مەگاپوليستىڭ بارلىق كوشەلەرى قاشان جارىق بولاتىندىعى تۋرالى سۇراقتارىنا سۇراعىنا جاۋاپ بەردى.
قالا باسشىسى اتاپ وتكەندەي، ورتالىقسىزداندىرۋ اياسىندا اۋدان اكىمدىكتەرىنە 198 مىڭ جارىق نۇكتەلەرى مەن ولارعا قىزمەت كورسەتۋ فۋنكسيالارى بەرىلدى. بۇل قىسقا مەرزىمدە جانبايتىن جارىق نۇكتەلەرىنىڭ ۇلەسىن 47% - دان 25% - عا دەيىن تومەندەتۋگە ىقپال ەتتى.
ونىڭ ايتۋىنشا، الماتىدا ديسپەچەرلىك پۋنكت قۇرىلىپ، 39 قوسىمشا ارنايى تەحنيكا ساتىپ الىنىپ، شتات 300 ادامعا دەيىن ۇلعايتىلدى، بۇل 250-دەن استام جاڭا جۇمىس ورنىن اشۋعا مۇمكىندىك بەردى، سول ارقىلى بريگادالار سانى 40-قا جەتتى.
"2024 جىلدىڭ سوڭىنا دەيىن 1،6 ملرد تەڭگەگە 800 شۋنو ساتىپ الىنادى. قوسىمشا 35 مىڭ جارىقديودتى-جارىق تيىمدىلىگى جاقسارتىلعان جانە درايۆەرى بار قازاقستاندىق ءوندىرىستىڭ جارىق ديودتى شامدارى ساتىپ الىندى، ونىڭ ىشىندە بۇگىنگى كۇنى 26 مىڭنان استام بىرلىك ورناتىلدى، بۇل جەلىنىڭ ۇزىندىعى 12،8 كم بولاتىن بۇرىن جارىقسىز 79 ۋچاسكەنى سىرتقى جارىقپەن قامتاماسىز ەتۋگە مۇمكىندىك بەردى"، - دەدى ەربولات دوسايەۆ.
ايتا كەتەيىك، جىل باسىنان بەرى قالاداعى كوشەلەردى جارىقتاندىرۋدىڭ باسىم بولىگى ءۇشىن "الماتى قالا جارىق" مەملەكەتتىك كوممۋنالدىق كاسىپورنى جاۋاپتى.
بۇعان دەيىن بۇل فۋنكسيالاردى ءۇش كومپانيادان تۇراتىن جەكە كونسورسيۋم ورىنداعان: ABM-Building 2007 ج ش س، "ەلەكترورەمونت" ج ش س جانە ABM-Project ج ش س. الايدا، جەكە سەرىكتەس مودەرنيزاسيا باعدارلاماسىن يگەرە المادى جانە ونىمەن كەلىسىم بۇزىلدى.
بۇعان دەيىن حابارلانعانداي، 2024 جىلى الماتىدا سىرتقى جارىقتاندىرۋدى مودەرنيزاسيالاۋ بويىنشا اۋقىمدى جۇمىستار باستالىپ، 2025 جىلدىڭ سوڭىنا قاراي قالانىڭ بارلىق اۋداندارى تولىق جارىقتاندىرىلاتىن بولادى. بۇل ماسەلەنى شەشۋ ءۇشىن ءار اۋداندا ارنايى جارىقتاندىرۋ باعدارلامالارى ازىرلەندى. ەگەر جارىق نۇكتەلەرى ءبىر جەردە جۇمىسىن توقتاتقان جاعدايدا، تۇرعىندار Open Almaty جانە e-Otinish پلاتفورمالارى ارقىلى حابارلاسا الادى. مۇنداي وتىنىشتەر جەدەل قارالادى.