الماتى قالاسىنىڭ اكىمى دارحان ساتىبالدى تاۋەلسىزدىك كۇنى جانە جەلتوقسان وقيعاسىنىڭ 39 جىلدىعى قارساڭىندا 1986 جىلعى جەلتوقسانشىلارمەن كەزدەستى، دەپ حابارلايدى aqshamnews.kz
اكىم الماتىنىڭ قوعامدىق ومىرىنە بەلسەنە ۇلەس قوسىپ جۇرگەن جەلتوقسانشىلاردىڭ پاتريوتتىق ۇستانىمىن، ازاماتتىق پوزيسياسىن جانە ۇلتتىق قۇندىلىقتارعا بەرىكتىگىن اتاپ ءوتتى.
كەزدەسۋ بارىسىندا قاتىسۋشىلاردى تولعاندىرعان الەۋمەتتىك-تۇرمىستىق ماسەلەلەر كوتەرىلىپ، قوسىمشا الەۋمەتتىك قولداۋ شارالارى تالقىلاندى. سونىمەن قاتار، جەلتوقسان وقيعاسىنىڭ 40 جىلدىعىنا وراي قاتىسۋشىلاردىڭ ۇسىنىستارىن ەسكەرە وتىرىپ، كەشەندى ەسكە الۋ ءىس-شارالارىنىڭ جوسپارى ازىرلەنەتىن بولادى. اسىرەسە ۇلتتىق رۋحتى نىعايتۋعا جانە جاستاردى تاربيەلەۋگە باعىتتالعان تانىمدىق ءارى پاتريوتتىق باستامالارعا باسىمدىق بەرىلەدى.
كەزدەسۋ سوڭىندا دارحان ساتىبالدى مەملەكەت باسشىسى قاسىم-جومارت توقايەۆتىڭ باستامالارىن قولداپ جۇرگەنى جانە ازاماتتىق قوعامدى دامىتۋعا قوسقان ەلەۋلى ۇلەسى ءۇشىن جەلتوقسانشىلارعا العىس ءبىلدىردى. اكىم اتاپ وتكەندەي، قالا اكىمدىگى، ءماسليحات دەپۋتاتتارى جانە قوعامدىق ۇيىمدار جۇرگىزىلىپ جاتقان رەفورمالاردى جۇزەگە اسىرۋ جانە قالانى دامىتۋ بويىنشا بىرلەسكەن جۇمىستى جالعاستىرادى.
ەسكە سالا كەتەيىك، تاۋەلسىزدىك كۇنىنە وراي رەسپۋبليكا الاڭىنداعى «تاۋەلسىزدىك» مونۋمەنتىنە جانە جەلتوقسان كوشەسىندەگى «تاۋەلسىزدىك تاڭى» ەسكەرتكىشىنە گۇل قويۋ راسىمدەرى وتەدى.