ق ر بجعم جانە قالا باسشىلىعى ۇستازدارعا العىس ايتتى.
الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا قالاداعى مەكتەپ مۇعالىمدەرىنە، قوسىمشا ءبىلىم بەرۋ جۇيەسىنىڭ پەداگوگتەرىنە جانە اعارتۋ سالاسىنىڭ ارداگەرلەرىنە قازاقستان رەسپۋبليكاسى ءبىلىم جانە عىلىم مينيسترلىگىنىڭ ۆەدومستۆولىق ەرەكشەلىك بەلگىلەرى مەن قۇرمەت گراموتالارىن تاپسىردى، دەپ حابارلايدى Almaty-akshamy.kz.
«ەڭبەك ارداگەرى» مەدالى م. مامەتوۆا اتىنداعى №28 مەكتەپ-ليسەيىنىڭ ورىس ءتىلى مەن ادەبيەتى ءپانىنىڭ ءمۇعالىمى تاتيانا ۆولگايەۆاعا جانە №2 وقۋشىلار ءۇيىنىڭ ديرەكتورى ەلەنا دياروۆاعا بەرىلدى.
«ىبىراي التىنسارين» توسبەلگىسى №178 مامانداندىرىلعان ليسەيدىڭ فيزيكا ءپانىنىڭ ءمۇعالىمى گۇلنار سليامعالييەۆاعا، №173 مەكتەپ-ليسەيدىڭ ورىس ءتىلى مەن ادەبيەتى ءپانىنىڭ ءمۇعالىمى ەركىن سەنكەبايەۆقا،سونىمەن بىرگە و. جاندوسوۆ اتىنداعى №105 گيمنازيانىڭ قازاق ءتىلى مەن ادەبيەتى ءپانىنىڭ ءمۇعالىمى ۇلعانىم اۋبەكەروۆاعا تابىستالدى.
«مەن ەلىمىزدە جانە قالامىزدا ءبىلىم بەرۋ جۇيەسىنىڭ دامۋىنا مۇقيات قاراپ، ونى دامىتۋىن ۇلكەن ماقتانىشپەن ايتامىن. بىزگە، وقۋشىنىڭ ۇيىنە كەز-كەلگەن بالا كەلە الادى، ال مۇعالىمدەر ونىڭ قابىلەتتەرىن دامىتۋ ءۇشىن ءبارىن جاسايدى. ءبىز بارلىق بالالار ءۇشىن اشىقپىز، از قامتىلعان جانە كوپ بالالى وتباسىلاردان شىققان بالالاردىڭ بىزگە كەلۋىنە ۇمتىلامىز. وقۋشى ۇيىندە ءسىز مۋزىكامەن اينالىسا الاسىز، ءوزىڭىزدى ونەردىڭ باسقا تۇرلەرىندە سىناپ كورە الاسىز، تەحنيكانى يگەرە الاسىز. قوسىمشا ءبىلىم بەرۋ - بۇل بوس ۋاقىتتى وتكىزۋ عانا ەمەس، سونىمەن قاتار ءوز كاسىبىڭدى تابۋ مۇمكىندىگى»، - دەدى ەلەنا دياروۆا.
اعىلشىن جانە باسقا تىلدەردى تەرەڭدەتىپ وقىتاتىن №105 گيمنازيا بالالاردىڭ العان بىلىمدەرى بولاشاق مانسابىنا نەگىز بولۋى ءۇشىن ءبارىن جاساۋعا تىرىسادى.
«ءبىزدىڭ بالالارىمىز قازاق ءتىلى جانە اعىلشىن تىلدەرىمەن قاتار فرانسۋز، جۇڭگو تىلدەرىن وقيدى. ادام نەعۇرلىم كوپ ءتىل بىلسە، ونىڭ مۇمكىندىكتەرى دە سوعۇرلىم كوپ بولادى جانە بالالار مۇنى تۇسىنەدى»، – دەپ اتاپ ءوتتى ۇلعانىم اۋبەكەروۆا.
ق ر ءبىلىم جانە عىلىم مينيسترلىگىنىڭ ماراپاتتارىمەن قاتار پەداگوگتارعا الماتى قالاسى اكىمدىگىنىڭ العىس حاتتارى تابىس ەتىلدى.