الماتى اكىمدىگىنىڭ باسپا ءسوز قىزمەتى قاڭتار وقيعاسىندا بۇلىنگەن اكىمدىكتىڭ عيماراتىندا ءقازىر قانداي جۇمىستار ءجۇرىپ جاتقانىن ءمالىم ەتتى، دەپ حابارلايدى Almaty-akshamy.kz.
اكىمدىكتىڭ مالىمەتىنشە، توتەنشە جاعدايدى ەنگىزۋ تۋرالى پرەزيدەنتتىڭ 2022 جىلعى 5 قاڭتارداعى №725 تاپسىرماسىن ورىنداۋ ماقساتىندا ۇكىمەتتىڭ توتەنشە رەزەرۆىنەن الماتى اكىمى اپپاراتىنىڭ عيماراتىن قالپىنا كەلتىرۋ جۇمىسىن باستاۋعا قاراجات بولىنگەن، دەپ جازدى قازاقپارات.
«مەملەكەتتىك ساتىپ الۋ تۋرالى» زاڭنىڭ 39-بابى 3-بولىگى 4-تارماقشاسى نەگىزىندە 2022 جىلى 27 ءساۋىر كۇنى الماتى قالاسىنىڭ قۇرىلىس باسقارماسى مەن «اتريكس-ستروي» ج ش س اراسىندا الماتى قالاسى اكىمى اپپاراتىنىڭ عيماراتىن قايتا جاڭارتۋ تۋرالى شارت جاسالعان.
«1، 2، 3 پاۆيلون بويىنشا سمەتالىق قۇننىڭ سوماسى - 12 662 747 مىڭ تەڭگە جانە 4 پاۆيلون - 4 484 643 مىڭ تەڭگە (بارلىعى 17 147 390 مىڭ). بۇگىنگى تاڭدا بارلىق پاۆيلونداردى دەمونتاجداۋ جانە سەيسميكالىق كۇشەيتۋ جۇمىستارى اياقتالدى، ىشكى ارلەۋ جۇمىستارى، ينجەنەرلىك جەلىلەردى توسەۋ، سالقىنداتۋ جۇيەسى جابدىقتارىن ورناتۋ، فالشەدەندەردى مونتاجداۋ، قاسبەتتى ءمارمار جانە تراۆەرتينمەن قاپتاۋ، تەرەزە بلوكتارىنىڭ قۇرىلىسى جۇرگىزىلىپ جاتىر. وسى جىلدىڭ ماۋسىم ايىنان باستاپ بارلىق پاۆيلونداردى كەزەڭ-كەزەڭىمەن تاپسىرۋ جوسپارلانعان. جۇمىستار كەستەگە سايكەس اتقارىلىپ جاتىر. قۇرىلىس-مونتاجداۋ جۇمىستارىن اياقتاۋ قازان ايىنا بەلگىلەنگەن»، - دەپ حابارلادى اكىمدىكتىڭ باسپا ءسوز قىزمەتى.