الماتىدا جالپى اۋدانى 97 گا بولاتىن بەس جاڭا ساياباق قۇرۋ بويىنشا جۇمىستار بەلسەندى جۇرگىزىلۋدە. بۇل تۋرالى وكق بريفينگىندە الماتى اكىمى ەربولات دوسايەۆ ايتتى، دەپ حابارلايدى almaty-akshamy.kz
"الماتىدا جاسىل جەلەكتەردى كۇتىپ ۇستاۋ مەن قورعاۋدىڭ جاڭا ەرەجەلەرى قابىلداندى. ەندى كەز-كەلگەن وتىرعىزۋ سۋارۋدى قامتاماسىز ەتۋدى ەسكەرە وتىرىپ جۇزەگە اسىرىلادى. جاقسى ءومىر ءسۇرۋ ءۇشىن بيىكتىگى كەمىندە 2 مەتر قىلقان جاپىراقتى جانە كەم دەگەندە 2،5 مەتر جاپىراقتى كوشەتتەر وتىرعىزىلادى، مىندەتتى تۇردە تۇبىرىمەن. بۇل 2023 جىلى جاڭا كوشەتتەردىڭ سانىن 30% - دان 10% - عا دەيىن تومەندەتۋگە مۇمكىندىك بەرەدى"، - دەپ اتاپ ءوتتى ەربولات دوسايەۆ.
سونداي-اق، ونىڭ ايتۋىنشا، جاسىل قوردى جاڭارتۋ جانە ساۋىقتىرۋ ءۇشىن بيىل كوكتەمدە 20 مىڭ كوشەت وتىرعىزىلعان. ال نەگىزگى ەكپەلەر كۇزدە وتەدى-وسى كەزەڭدە كوشەتتەر جاقسى تامىرلانادى. اكىمنىڭ مالىمەتىنشە، 2023 جىلى بارلىعى 320 مىڭ اعاش وتىرعىزىلادى. سونداي-اق، 2،3 ملن.اعاشقا 4 دۇركىن بيولوگيالىق وڭدەۋ جۇرگىزىلەدى.