ءىىم الماتى اكادەمياسىنىڭ ۇجىمى مەن تىڭداۋشىلارى تۇركى الەمىنىڭ زاڭعار اقىنى، ءتىل جاناشىرى، قازاقستاننىڭ ەڭبەك ەرى مۇحتار شاحانوۆپەن كەزدەستى.
اقيىق اقىنمەن بولعان كەزدەسۋدى اكادەميا باستىعى ا.سايتبەكوۆ اشىپ، جينالعانداردى ونىڭ شىعارمالارىمەن تانىستىردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
كەزدەسۋدە م.شاحانوۆ رۋحاني قۇندىلىقتار جايلى، اتا ءداستۇر، ۇلتتىق مۇددە، ءتىل تۋرالى تەبىرەنە سويلەدى. قازاقتىڭ سۇيىكتى اقىنى جينالعاندار الدىندا ۇلتتىق ماعىناعا تولى ءوز يدەيالارى، پاتريوتتىق، ۇلتتىق رۋح تۋرالى كوزقاراسى جايلى سىر شەرتىپ، اكادەميا ۇجىمى مەن تىڭداۋشىلارىنا قازاقستاننىڭ جارقىن بولاشاعى جولىنداعى قىزمەتتەرىنە زور جەتىستىكتەر تىلەدى.
جەكە قۇرام مەن تىڭداۋشىلار قازاق حالقىنىڭ باي تاريحىنان سىر شەرتىپ، قازاق ءتىلى ءۇشىن كۇرەسكەن كەزدەگى ەستەلىكتەرىمەن بولىسكەن اقىنمەن كەزدەسۋدەن ۇلكەن اسەر الدى. وتانسۇيگىشتىك رۋحقا بولەنگەن جاستار سۇيىكتى اقىندارىنا دەگەن ىستىق ىقىلاسىن ءبىلدىرىپ، ەستەلىككە سۋرەتكە ءتۇستى.