الماتى اكادەمياسىنىڭ باستىعى ارمان سايتبەكوۆ كورەيا رەسپۋبليكاسى كەنگيدو پروۆينسياسى پوليسيا دەپارتامەنتىنىڭ باستىعى لي مۋنسۋمەن كەزدەستى.
مەملەكەت باسشىسى قاسىم-جومارت توقايەۆ قازاقستان حالقىنا “حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى” اتتى جولداۋىندا ىشكى ىستەر ورگاندارىنىڭ قىزمەتىنە قاتىستى ءبىرقاتار ناقتى تاپسىرما بەرگەن بولاتىن. سونىڭ ءبىرى ءارى اۋقىمدىسى – پوليسيا قىزمەتىنىڭ جاڭا ءتاسىلى. وسىعان وراي ىشكى ىستەر ءمينيسترىنىڭ تاپسىرماسى بويىنشا 2023 جىلدىڭ 7 ماۋسىمىندا قازاقستان رەسپۋبليكاسى ءىىم الماتى اكادەمياسىنىڭ باستىعى ا.سايتبەكوۆ كورەيا رەسپۋبليكاسى كەنگيدو پروۆينسياسى پوليسيا دەپارتامەنتىنىڭ باستىعى لي مۋنسۋمەن كەزدەسۋ وتكىزدى، دەپ حابارلايدى Almaty-akshamy.kz.
Polisia.kz تاراتقان اقپاراتى بويىنشا، ەكى رەسپۋبليكانىڭ پوليسيا قىزمەتى جايلى كەزدەسۋ بارىسىندا سايتبەكوۆ قازاقستاندىق تاراپتان ىشكى ىستەر ورگاندارى ءۇشىن كادرلار دايارلاۋ، قۇقىق بۇزۋشىلىقتاردىڭ الدىن الۋ جانە كيبەرقاۋىپسىزدىكتى قامتاماسىز ەتۋ بويىنشا تاجىريبە الماسۋ اسا ماڭىزدى ەكەنىن اتاپ ءوتتى. سونىمەن قاتار، كەزدەسۋ بارىسىندا كورەيا رەسپۋبليكاسى پوليسياسىنىڭ تيىمدىلىگىن باعالاۋ كريتەرييلەرى، ونىڭ پوليسيا قىزمەتىنىڭ سەرۆيستىك مودەلى شەڭبەرىندە ازاماتتىق قوعاممەن جانە باق-پەن ءوزارا ءىس-قيمىلى ماسەلەلەرى دە تالقىلاندى.
كەزدەسۋ سوڭىندا تاراپتار ەكى ەل اراسىنداعى پوليسيا كادرلارىن دايارلاۋداعى ىنتىماقتاستىقتى ودان ءارى دامىتۋ ماسەلەلەرىن تالقىلادى.
«شەتەلدىك وزىق تاجىريبە بۇل پروسەسكە دايىندىق ءتۇرلى سەرۆيستىك ەلەمەنتتەردى تەستىلەۋدەن باستالاتىنىن كورسەتىپ وتىر. سوندىقتان ءبىز قاۋىمداستىقتى، سونداي-اق ءتۇرلى سالالاردىڭ جەتەكشى ماماندارىن تارتا وتىرىپ، ەلىمىزلەگى پوليسيا قىزمەتىنە قاۋىپسىزدىك پروبلەمالارىن انىقتاۋ جانە شەشۋ ماقساتىندا پوليسيانىڭ قوعاممەن، جەرگىلىكتى بيلىك ورگاندارىمەن تىزە قوسىپ، ءبىر باعىتتا جۇمىس ىستەۋمەن جانداندىرامىز»، – دەدى ا.سايتبەكوۆ.