الماتى اكادەمياسىندا قازاقستاننىڭ تۇكپىر-تۇكپىرىنەن كەلگەن ىشكى ىستەر ورگاندارىنىڭ قىزمەتكەر ايەلدەرىن بىرىكتىرەتىن ءداستۇرلى "كوشباسشى ايەل" فورۋمى ءوتتى.
فورۋمعا قاتىسۋشىلار – قۇقىق قورعاۋ سالاسىندا ايتارلىقتاي جەتىستىككە جەتكەن، قوعامدىق قاۋىپسىزدىكتى قامتاماسىز ەتۋدە ماڭىزدى ءرول اتقاراتىن بىلىكتى ماماندار، دەپ حابارلايدى aqshamnews.kz Polisia.kz-كە سىلتەمە جاساپ.
بۇل فورۋم – كاسىبي تاجىريبە الماسۋعا، جاڭا ءبىلىم مەن داعدىلاردى يگەرۋگە، ىسكەرلىك بايلانىستاردى كەڭەيتۋگە مۇمكىندىك بەرەتىن بىرەگەي الاڭ. ءىس-شارا اياسىندا ترەنينگتەر، شەبەرلىك ساباقتارى، پىكىرتالاس الاڭدارى ۇيىمداستىرىلىپ، اكادەميا بويىنشا تانىستىرۋ ەكسكۋرسيالارى وتكىزىلدى. دەگەنمەن، ەڭ باستىسى – فورۋم اياسىندا اشىق سۇقبات قۇرۋ ارقىلى ايەلدەردىڭ ىشكى ىستەر جۇيەسىندەگى رولىنە قاتىستى وزەكتى ماسەلەلەردى تالقىلاۋ مۇمكىندىگى.
- قازىرگى تاڭدا ىشكى ىستەر ورگاندارىنداعى ايەلدەر ماڭىزدى قىزمەتتەردى اتقارىپ، قۇقىقتىق ءتارتىپتى قامتاماسىز ەتۋگە ولشەۋسىز ۇلەس قوسىپ كەلەدى. ولار جەدەل-ىزدەستىرۋ سالاسىنان باستاپ، اكىمشىلىك باسقارۋ، پروفيلاكتيكالىق جۇمىستار، ازاماتتاردىڭ قۇقىقتارىن قورعاۋ جانە قوعامدىق ءتارتىپتى ساقتاۋ باعىتىندا تابىستى ەڭبەك ەتىپ ءجۇر. "كوشباسشى ايەل" فورۋمى – جاي عانا كەزدەسۋ ەمەس، بۇل – كاسىبي دامۋعا، كوشباسشىلىق قابىلەتتەردى شىڭداۋعا جانە ۇجىمدىق رۋحتى نىعايتۋعا ارنالعان مىقتى الاڭ، – دەپ اتاپ ءوتتى ق ر ءىىم الماتى اكادەمياسى باستىعىنىڭ ورىنباسارى جانات ديلبارحانوۆا.
پوگونداعى ايەلدەر مۇنداي شارالاردىڭ قوعامداعى وڭ وزگەرىستەردىڭ قوزعاۋشى كۇش ەكەنىنە سەنىمدى، سونداي-اق تەك كادرلىق الەۋەتتى نىعايتۋعا جانە كاسىبي وسۋگە جاعداي جاساۋعا عانا ەمەس، سونىمەن قاتار ايەلدەردىڭ ءارتۇرلى سالالاردا ءوزىن-وزى دامىتۋىنا مۇمكىندىك بەرەدى. بىرلەسە جۇمىس ىستەۋ ارقىلى ولار قوعامدا ادىلەتتىلىك پەن تەڭدىكتى نىعايتىپ، ءبىلىم مەن الەۋمەتتىك قورعالۋدى ارتتىرىپ، بولاشاق ۇرپاقتى باسقارۋ، بيزنەس، عىلىم، ساياسات جانە قوعامدىق قىزمەتكە بەلسەندى قاتىسۋعا جىگەرلەندىرەدى. ءبىرىن-بىرى قولداپ، ىنتىماقتاستىقتى ارتتىرۋ ارقىلى كوشباسشى ايەلدەر تۇتاس قوعام ءۇشىن ۇيلەسىمدى ءارى تۇراقتى بولاشاق قالىپتاستىرۋعا ىقپال ەتەدى.