قازاقستاندىق سەيسمولوگتار الماتى ايماعىندا جەتى بالدىق جويقىن جەر سىلكىنىسىنىڭ ىقتيمال ءقاۋپىن باعالادى.
ەلىمىزدىڭ وڭتۇستىك جانە وڭتۇستىك-شىعىس بولىكتەرى سەيسميكالىق ءقاۋىپتى ايماقتا ورنالاسقان. اسىرەسە، الماتى اۋماعى. ويتكەنى مۇندا 1887 جانە 1911 جىلدارى كۇشتى جەر سىلكىنىسى بولعان. قازىرگى تاڭدا مەگاپوليستە ءدۇمپۋدىڭ ورتاشا مەرزىمى بويىنشا قورىتىندى ازىرلەندى، دەپ حابارلايدى Almaty-akshamy.kz.
كارتاعا سايكەس، جەر سىلكىنىسىنىڭ بولجامى جاسالدى. سونداي-اق، سەيسمولوگيا ينستيتۋتىنىڭ ماماندارى تۇركيانىڭ انادولى تاۋلى ايماعىنا قاتىستى دا پىكىر ءبىلدىردى. جويقىن جەر سىلكىنىسى بولعان جەر پلانەتاداعى ەڭ بەلسەندى جانە سەيسميكالىق ءقاۋىپتى ايماقتاردىڭ ءبىرى. وندا كۇشتى جەر سىلكىنىسى بۇرىن دا بولعان.
«الەمدىك ادىستەردى قولدانۋ ارقىلى ەسەپتەۋ جاسايمىز. ءقازىر بۇكىل الەمدە جەر سىلكىنىسىنىڭ ءدال ۋاقىتىن، قانداي كۇشپەن بولاتىنىن انىقتايتىن اسپاپ جوق. وسى جىلعا جاسالعان بولجام بويىنشا قارقىندىلىعى جەتى بالدان اسپايتىن جەر سىلكىنىسى جوق دەپ ايتا الامىز»، - دەيدى «سەيسمولوگيا ينستيتۋتى» ج ش س عىلىمي قىزمەتكەرى اقكەنجە سەيىلحانوۆا.