الماتى قالاسى سپورت باسقارماسىنىڭ باسشىسى رۇستەم بايسەيىتوۆ وڭىرلىك كوممۋنيكاسيالار قىزمەتى الاڭىندا سويلەگەن سوزىندە مەگاپوليس "Altyn Samgay-2021" سىيلىعىندا «ۇزدىك سپورت ءوڭىرى» نوميناسياسىن العانىن حابارلادى.
بۇل سپورتتىق ينفراقۇرىلىمدى دامىتۋدىڭ ارقاسىندا مۇمكىن بولدى. وڭىردە قادامدىق جاقىندىقتاعى سپورت نىساندارى، كوپ فۋنكسيونالدى كەشەندەر مەن اشىق سپورت الاڭدارى بەلسەندى سالىنۋدا.
بۇدان باسقا، جوعارى جەتىستىكتەر سپورتىن دامىتۋ باعىتىندا 78 سپورت ءتۇرى بويىنشا 13 مىڭنان استام سپورتشى ءۇشىن قالا جانە رەسپۋبليكا قۇراما كوماندالارىنا سپورت رەزەرۆىن دايىنداۋ جۇرگىزىلۋدە. ال 1 قىركۇيەكتەن باستاپ سپورت باسقارماسىنىڭ جانىنان 50 ورىندىق سپورت كوللەدجى اشىلدى. ەندى قالا ورتا ارنايى دەنە شىنىقتىرۋ ءبىلىمى بار مامانداردى دايارلايدى (ماماندىعى – سپورت جاتتىقتىرۋشىسى، وقىتۋشى).
«شتاتتىق كوماندالارداعى سپورتشىلار سانى بويىنشا الماتى وڭىرلەرى بويىنشا - قىسقى جانە جازعى سپورت تۇرلەرى بويىنشا كوشباسشى. ءبىزدىڭ قۇراما كوماندالار كەشەندى رەسپۋبليكالىق جارىستاردىڭ، قازاقستان حالىقتارىنىڭ جازعى جانە قىسقى جاستار ويىندارىنىڭ چەمپيوندارى بولىپ تابىلادى»، - دەپ اتاپ ءوتتى رۇستەم بايسەيىتوۆ.
ول قالانىڭ سپورت مەكتەپتەرىندە 855 جاتتىقتىرۋشى-وقىتۋشى جۇمىس ىستەيتىندىگى تۋرالى مالىمەتتەردى كەلتىردى. ونىڭ ىشىندە 594 شتاتتىق جاتتىقتىرۋشىنىڭ 166-سى جوعارى ساناتقا، 104ء-ى ءبىرىنشى ساناتقا جانە 11ء-ى ەكىنشى ساناتقا يە.
رەسپۋبليكا ۇلتتىق قۇراماسىنىڭ تىزىمدىك قۇرامىنا 906 سپورتشى كىرەدى. ونىڭ ىشىندە نەگىزگى قۇرامدا 135 سپورتشى، جاستار قۇرامىندا 375، جاسوسپىرىمدەر قۇرامىندا 396 سپورتشى بار.
رۇستەم بايسەيىتوۆ ق ر پرەزيدەنتىنىڭ مۇعالىمدەردىڭ جالاقىسىن 25%-عا ارتتىرۋ تۋرالى تاپسىرماسىن ورىنداۋ اياسىندا 2020 جىلى رەسپۋبليكالىق بيۋدجەتتەن 257،9 ملن تەڭگە، 2021 جىلى 50%-عا ارتتىرۋعا 578،9 ملن تەڭگە بولىنگەنىن حابارلادى. سپورت سالاسىندا 809 مامان قوسىمشا اقى الدى.
الماتى قالاسىنىڭ شتاتتىق كوماندالارىنا 108 سپورتشى كىرەدى، ولارعا اي سايىن 180 مىڭ تەڭگەگە دەيىن اقشا تولەنەدى.