الماتىدا COVID-19 اۋرۋىنىڭ كوبەيۋى جالعاسۋدا، ال ودان دا شەكتەۋلى شارالاردى بولۋدىماۋدىڭ جالعىز جولى – ۆاكسينالانۋ قارقىنىن ەداۋىر ارتتىرۋ. بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى كەزىندە المالى اۋدانىنىڭ اكىمى ەرجان سەيتەنوۆ ايتتى دەپ حابارلايدى almaty-akshamy.kz
«مەن ءالى ەكپە الماعان بارلىق الماتىلىقتاردى جاقىن ارادا ۆاكسينا سالدىرۋعا شاقىرامىن. بۇگىندە بۇل ءۇشىن بارلىق مۇمكىندىكتەر بار. مەن تۇرعىندارىمىزدىڭ سانالىلىق تانىتاتىندارىنا سەنەمىن»، - دەدى اۋدان اكىمى.
ەرجان سەيتەنوۆتىڭ ايتۋىنشا، اۋداندا 182 474 ادام ۆاكسينالانعان، ءبىراق بۇل جەتكىلىكسىز. اۋدان اكىمى ۆيرۋستىڭ وتە ءقاۋىپتى ەكەنىن حابارلادى.
«بۇل تۋرالى دارىگەرلەر دە، ەپيدەميولوگتار دا ايتىپ جاتىر. تاۋەكەل توبى دا اۋىستى. ەگەر بۇرىن ەگدە جاستاعى ادامدار ءجيى جۇقتىرسا، ءقازىر جاستار مەن ەڭبەككە قابىلەتتى تۇرعىندار دەرتكە شالدىعۋدا»، - دەدى ەرجان سەيتەنوۆ.
اۋدان اكىمىنىڭ ايتۋىنشا، قازىرگى كۇردەلى ەپيدەميولوگيالىق احۋالدا قالا تۇرعىندارى بارىنشا جاۋاپكەرشىلىك پەن سانالىلىق تانىتىپ، سانيتارلىق دارىگەرلەردىڭ ۇسىنىستارىن جانە كارانتين شەكتەۋلەرىن قاتاڭ ساقتاۋلارى ءتيىس.
جىل باسىنان بەرى المالى اۋدانىنىڭ مونيتورينگتىك توپتارى 5 500-گە جۋىق وبەكتىنى تەكسەردى، بەلگىلەنگەن شەكتەۋلەردى بۇزعانى ءۇشىن 124 زاڭدى جانە 1 082 جەكە تۇلعالارعا جالپى سوماسى 177،7 ملن تەڭگە بولاتىن ايىپپۇل سالىندى.