المالى اۋدانىنداعى نەگىزگى ماسەلەنىڭ ءبىرى – جارىقتىڭ تۇراقسىزدىعى

اۋدانداعى توزعان جەلىلەردىڭ سالدارىنان ەلەكتر كوزدەرى ىستەن شىعىپ، ءجيى جارىقسىز قالادى.

اسىرەسە، بايتۇرسىنوۆ – اباي – تولە بي – روزىباكييەۆ كوشەلەرىنىڭ بويىندا جارىق ءجيى وشەدى، دەپ حابارلايدى Almaty-akshamy.kz

بيىلعى جىلدىڭ وزىندە ەلەكتر جەلىلەرىندە اۋداندا 240-تان استام اپات بولدى.
1) ەلەكتر ەنەرگياسىمەن جابدىقتاۋدىڭ سەنىمدىلىگىن ارتتىرۋ ءۇشىن 2022-2023 جىلدارى قالانىڭ ەلەكتر جەلىلەرىن جاڭارتۋ كوزدەلگەن. 

«وسى جوبا اياسىندا اۋدان بويىنشا ەكى جىل ىشىندە رەزەرۆتىك قۋاتتى 10كۆت-قا دەيىن ۇلعايتىپ، 156 كم ەسكىرگەن كابەلدەردى اۋىستىرۋ، سونداي-اق 13 تاراتۋ جانە 195 ترانسفورماتورلىق پودستانسيانى قايتا جاڭارتۋدى قاراستىرىپ وتىرمىز. ءقازىردىڭ وزىندە 55 كم (2022 جىلعى جوسپار - 81 كم) كابەل جەلىلەرى اۋىستىرىلدى، 8 تاراتۋ (2022 جىلعى جوسپار - 10) جانە 42 ترانسفورماتورلىق پودستانسيا (2022 جىلعى جوسپار - 50) جاڭارتىلدى. جىل سوڭىنا دەيىن تاعى 26 كم جەلىنى اۋىستىرىپ، 2 تاراتۋ جانە 8 ترانسفورماتورلىق پودستانسيانى قايتا جاڭعىرتامىز»، - دەدى قالا باسشىسى المالى اۋدانىنىڭ حالقىمەن كەزدەسۋىندە. 

ناتيجەسىندە، 2022 جىلدىڭ سوڭىندا اۋدانداعى توزعان ەلەكتر جەلىلەرىنىڭ ۇلەسى 70-تەن 56%-كە دەيىن ازايادى. 
جوبا اياقتالعاننان كەيىن كەلەسى جىلى تاعى 75 كم جەلىنى جاڭارتۋ، 3 تاراتۋ جانە 145 ترانسفورماتورلىق پودستانسيانى قايتا جاڭارتۋ ەسەبىنەن توزعان جەلىلەردىڭ ۇلەسى 44%-كە دەيىن ازايادى. وسى شارالاردىڭ بارلىعى المالى اۋدانىنداعى ەلەكتر جەلىلەرىنىڭ جۇمىسىن تۇراقتاندىرۋعا مۇمكىندىك بەرەدى.
2) 10 قىركۇيەككە دەيىن ەكى ۋچاسكەدە 415 م جىلۋ جەلىلەرىن، ونىڭ ىشىندە  دوسمۇحامەدوۆ كوشەسىنىڭ بويىمەن قۇرمانعازىدان ابايعا دەيىن ۇزىندىعى 225 م جانە بوگەنباي باتىر – رادوستوۆەس قيىلىسىنداعى اۋلادا 190 م جىلۋ جەلىلەرىن قايتا جاڭعىرتۋدى اياقتايمىز..