وسىعان قاراماستان، تاپشىلىقتى ودان ءارى ازايتۋ ءۇشىن مەكتەپتەر مەن قوسىمشا عيماراتتار سالۋ بويىنشا جوسپارلى جۇمىس ىسكە اسىرىلۋدا.
بۇل تۋرالى الماتى اكىمى ەربولات دوسايەۆتىڭ المالى اۋدانى تۇرعىندارىمەن وتكەن كەزدەسۋىندە ءمالىم بولدى، دەپ حابارلايدى Almaty-akshamy.kz.
«جايلى مەكتەپ» ۇلتتىق جوباسى اياسىندا مەملەكەت باسشىسىنىڭ تاپسىرماسى بويىنشا المالى اۋدانىندا 2024 جىلدىڭ IVء-شى توقسانىندا قۇرىلىس-مونتاجداۋ جۇمىستارىن اياقتاي وتىرىپ، رايىمبەك داڭعىلى اۋەزوۆ كوشەسىنىڭ قيىلىسىندا 1،5 مىڭ ورىندىق جاڭا مەكتەپ سالىنادى.
سونداي-اق اكىمدىك №16 مەكتەپكە 300 ورىندىق قوسىمشا قۇرىلىس سالۋعا جانە №58 مەكتەپكە سپورت جانە اكت زالدارىن سالۋعا جوبالاۋ-سمەتالىق قۇجاتتاما ازىرلەۋدە، وسى جىلدىڭ IVء-شى توقسانىندا ساراپتاماسى شىعادى. قۇرىلىس-مونتاجداۋ جۇمىستارىن باستاۋدىڭ بولجامدى مەرزىمى - 2024 جىلعى ءساۋىر ايى (كونكۋرستىق راسىمدەردى ەسكەرە وتىرىپ).
2024 جىلدىڭ Iء-شى توقسانىندا جاروكوۆ كوشەسىندەگى №134 جانە 135 مەكتەپ عيماراتتارىن كۇردەلى جوندەۋدەن وتكىزە وتىرىپ، سەيسميكالىق كۇشەيتۋ بويىنشا مەملەكەتتىك ساراپتاما قورىتىندىسى دايىن بولادى دەپ كۇتىلۋدە. قۇرىلىس-مونتاجداۋ جۇمىستارىن باستاۋدىڭ بولجامدى مەرزىمى - 2024 جىلعى مامىر ايى.
№134 مەكتەپ عيماراتىنىڭ جارتىسىندا (جاروكوۆ كوشەسى، 24 ءۇي) باسقا زاڭدى مەكەنجايى بار №135 مەكتەپ (كلوچكوۆ كوشەسى، 49 ءۇي) ورنالاسقان. مەكتەپتەردى كەدەرگىسىز جوبالاۋ مەن بىرىكتىرۋدى قامتاماسىز ەتۋ ماقساتىندا الماتى قالاسى اكىمدىگىنىڭ 2023 جىلعى 26 شىلدەدەگى №3/410 قاۋلىسىمەن № 135 مەكتەپ عيماراتى №134 مەكتەپ عيماراتىنىڭ كوممۋنالدىق مەنشىگىنە بەرىلدى.
بيىلعى جىلدىڭ قاراشا ايىندا №136 مەكتەپ-گيمنازيانى كۇردەلى جوندەي وتىرىپ سەيسميكالىق كۇشەيتۋ بويىنشا قۇرىلىس-مونتاجداۋ جۇمىستارىن (كونكۋرستىق راسىمدەردەن كەيىن) باستاۋ جوسپارلانعان. جۇمىستار 2024 جىلدىڭ تامىز ايىندا اياقتالادى (1 مىڭ وقۋشى №124، 128 مەكتەپتەردە ورنالاستىرىلادى).
مەكتەپكە دەيىنگى ءبىلىم بەرۋ سالاسىندا وسى جىلدىڭ باسىنان بەرى جەكە كاسىپكەرلەر 165 ورىندىق 4 بالاباقشا اشتى.
وسى جىلدىڭ جەلتوقسان ايىندا ماۋلەنوۆ كوشەسى، 57 مەكەنجايىندا جالعا الۋدان كەرى قايتارىلعان بالاباقشا عيماراتىن (جوبالىق قۋاتى – 145 ورىن) كۇردەلى جوندەي وتىرىپ، سەيسميكالىق كۇشەيتۋگە جوبالاۋ-سمەتالىق قۇجاتتاما ساراپتاماسىنىڭ قورىتىندىسى الىنادى. جۇمىستاردى كەلەسى جىلدىڭ ناۋرىز ايىندا باستاۋ جوسپارلانۋدا (كونكۋرستىق راسىمدەر وتكىزىلگەننەن كەيىن).
سونداي-اق، №20 جانە 10 بالاباقشالاردى رەكونسترۋكسيالاۋ جوسپارلانىپ وتىر.
انىقتاما ءۇشىن: № 20 بالاباشقا – مەملەكەتتىك ساراپتاماسى وسى جىلدىڭ سوڭى، قۇرىلىس-مونتاجداۋ جۇمىستارىنىڭ باستالۋى - 2024 جىلعى ناۋرىز؛ № 10 بالاباقشا مەملەكەتتىك ساراپتاماسى - I توقسان، قۇرىلىس-مونتاجداۋ جۇمىستارىنىڭ باستالۋى - 2024 جىلعى ماۋسىم.
رەكونسترۋكسيالاۋ بالاباقشالاردىڭ قۋاتىن ارتتىرۋسىز جوسپارلانعان. عيماراتتاردى رەكونسترۋكسيالاۋ شەڭبەرىندە – اۋماقتى اباتتاندىرۋ، ءۇي-جايلاردى قايتا جوسپارلاۋ، كۇردەلى جوندەۋ، تىرەك كونسترۋكسيالارىن كۇشەيتۋ، ينجەنەرلىك جەلىلەردى اۋىستىرۋ كوزدەلگەن.
مەرزىمدەردىڭ وزگەرۋ سەبەپتەرى:
- ماۋلەنوۆ كوشەسىندەگى بالاباقشا بويىنشا: ساراپتامادان ءوتۋ كەزىندە جوسپارلاۋ شەشىمدەرىنىڭ وزگەرۋىنە بايلانىستى شارت بۇزىلدى. جوبا 2023 جىلدىڭ 10 قىركۇيەگىنە دەيىن ساراپتاما پورتالىنا قايتا جۇكتەلەدى. قورىتىندىنىڭ بولجامدى شىعۋى - 2023 جىلعى جەلتوقسان ايى.
- №10 بالاباقشا بويىنشا: شىلدە ايىنىڭ باسىندا قۇرىلىس باسقارماسى شارتتىق مىندەتتەمەلەردى ورىنداماعانى ءۇشىن «BS Archi Group» ج ش س جوبالاۋ ۇيىمىمەن شارتتى ءبىرجاقتى تارتىپپەن بۇزدى. وسىدان كەيىن جوبالاۋ-سمەتالىق قۇجاتتامانى ازىرلەۋگە كونكۋرس قايتا جاريالاندى. جوبالاۋدىڭ باستالۋى- 2023 جىلعى قىركۇيەك ايى. مەملەكەتتىك ساراپتامانى الا وتىرىپ، جوبالاۋدىڭ اياقتالۋى - 2024 جىلعى ناۋرىز ايى.
سونداي-اق وسى جىلدىڭ ناۋرىز ايىندا تاستاق شاعىن اۋدانىنداعى بۇرىنعى بالاباقشا عيماراتى المالى اۋدانىنا قايتارىلدى جانە قالا اكىمدىگى وسى جىلدىڭ شىلدە ايىنان باستاپ قولدانىستاعى قۇرىلىستاردى بۇزا وتىرىپ، 300 ورىندىق بالاباقشا سالۋعا جوبالاۋ-سمەتالىق قۇجاتتامانى ازىرلەۋدە (ساراپتامانىڭ شىعۋى - 2024 جىلدىڭ I توقسانى).
قازان ايىندا № 43 بوبەكجاي-بالاباقشا عيماراتىن رەكونسترۋكسيالاۋعا جوبالاۋ-سمەتالىق قۇجاتتامانى ازىرلەۋ باستالادى (ساراپتامانىڭ شىعۋى - 2024 جىلعى III توقسان). سونداي-اق بيىل اۋداندىق اكىمدىك 4 بالاباقشاعا (№ 9،14،93، 182) اعىمداعى جوندەۋ جۇمىستارىن جۇرگىزەدى
3 جاستان 6 جاسقا دەيىنگى تاپشىلىق 2 110 بالانى قۇرايدى.