كوممۋنالدىق ينفراقۇرىلىم قالاي جاڭعىرتىلىپ جاتقانىن الماتى قالاسىنىڭ وكق بريفينگىندە المالى اۋدانىنىڭ اكىمى ايدار جاقىبايەۆ ايتىپ بەردى، دەپ حابارلايدى almaty-akshamy.kz
ءوز سوزىندە اۋدان اكىمى توزىعى جەتكەن ەلەكتر جەلىلەرى پروبلەمالارىن اتادى. ونىڭ ايتۋىنشا جەلىلەردىڭ 81%-ى ەسكىرگەن.
«اۋدانداعى ەلەكتر جەلىلەرىنىڭ ۇزىندىعى 1000 شاقىرىمنان اسادى. جىل باسىنان بەرى ەلەكتر جەلىلەرىندە بارلىعى 320 اپات تىركەلدى، بۇل كابەلدەردىڭ توزعانىن بىلدىرەدى. «اجك» اق كۇشتەرىمەن توزۋدى ازايتۋ جانە ۇزدىكسىز ەلەكترمەن جابدىقتاۋدى قامتاماسىز ەتۋ ماقساتىندا اعىمداعى جىلى 50 شاقىرىم رەكونسترۋكسيالاۋ جۇمىستارى جۇرگىزىلدى»- دەدى ا. جاقىبايەۆ.
سۋ قۇبىرى جەلىلەرىنىڭ 72،5%-ى توزعان، ونىڭ سالدارىنان 130 اپات تىركەلدى. سۋمەن جابدىقتاۋدى ۇزدىكسىز قامتاماسىز ەتۋ ماقساتىندا اعىمداعى جىلى 4 ۋچاسكەدە 1،9 شاقىرىم.جەلىنى قايتا جاڭارتۋ بويىنشا جۇمىستار جۇرگىزىلدى. جالپى، اۋدان حالقى 100%-ى سۋمەن قامتۋ جۇيەسىمەن قامتاماسىز ەتىلگەن.
المالى اۋدانىندا بارلىق 1395 كوپپاتەرلى تۇرعىن ءۇي جىلۋمەن جابدىقتالعان. جىلۋ جەلىلەرىنىڭ 63% - ى ەسكىرگەن.
«بيىل بوگەنباي باتىر كوشەسىنىڭ بويىمەن بايتۇرسىنوۆ كوشەسىنەن ناۋرىزباي باتىرعا دەيىنگى 400 م جىلۋ جەلىلەرىن قايتا جاڭارتۋ جۇمىستارى جۇرگىزىلدى. وعان قوسىمشا 16 مەكەنجاي بويىنشا جوسپارلى جۇمىستار اياقتالدى»، - دەپ تولىقتىردى اۋدان باسشىسى.
اۋدان تۇرعىندارى 95% سۋ بۇرۋ جۇيەسىمەن قامتاماسىز ەتىلگەن. اۋداندا «الماتى سۋ» مكك بالانسىندا ورنالاسقان 249 شاقىرىم كارىز جەلىلەرى بار.
اۋداننىڭ سۋ بۇرۋ جەلىلەرى بويىنشا توزۋ 79،2% - 198،2 شاقىرىم. بيىل جەكە سەكتوردىڭ 6 كوشەسىنىڭ تۇرعىندارى: قاستەك-2، موڭعول، ەسەنتاي، برۋنو، راحمانينوۆ، قوجامقۇلوۆ جالپى ۇزىندىعى شامامەن 3 شاقىرىم ورتالىق كارىزبەن قامتاماسىز ەتىلدى.
«2024 جىلى حالىقتىڭ 99% - ى سۋ بۇرۋ جۇيەسىمەن قامتاماسىز ەتىلەتىن بولادى، ونىڭ ىشىندە ۇزىندىعى 14 كم اۋداننىڭ 25 كوشەسىندە سۋ بۇرۋ قۇرىلىسى بويىنشا جۇمىستار جۇرگىزىلەتىن بولادى»، - دەپ اتاپ ءوتتى ا.جاقىبايەۆ.