الماتى قالاسى وڭىرلىك كوممۋنيكاسيالار قىزمەتىندە وتكەن پرەسس كونفەرەنسيادا المالى اۋدانىنىڭ اكىمى ارمان شامشين 2025 جىلدىڭ 5 ايىنداعى الەۋمەتتىك-ەكونوميكالىق دامۋدىڭ قورىتىندىلارىن ۇسىندى.
ونىڭ ايتۋىنشا، اۋداندا كاسىپكەرلىك قارقىندى دامىپ كەلەدى، سونىمەن قاتار سانيتارلىق تازالىق پەن اباتتاندىرۋ جۇمىستارى كۇشەيتىلگەن.
«وسى جىلدىڭ 5 ايىندا المالى اۋدانىنان مەملەكەتتىك بيۋدجەتكە 528 ملرد تەڭگەدەن استام سالىق ءتۇستى. ونىڭ شامامەن 350 ملرد تەڭگەسى رەسپۋبليكالىق بيۋدجەتكە، ال 180 ملرد تەڭگەگە جۋىعى جەرگىلىكتى بيۋدجەتكە باعىتتالدى»، - دەدى ارمان شامشين.
سونداي-اق اۋدان ەكونوميكاسىنا 79،7 ملرد تەڭگە ينۆەستيسيا تارتىلعان، ونىڭ 45 ملرد تەڭگەسى قۇرىلىس سالاسىنا باعىتتالىپتى.
«جىل باسىنان بەرى شاعىن جانە ورتا بيزنەس سۋبەكتىلەرىنىڭ سانى 4،9%-عا ارتتى. قازىرگى تاڭدا ولاردىڭ سانى 72 مىڭنان استى، ونىڭ ىشىندە 38 مىڭنان استامى - جەكە كاسىپكەرلەر»، - دەپ اتاپ ءوتتى اۋدان اكىمى.
ەسەپتى كەزەڭدە ونەركاسىپ ءوندىرىسىنىڭ كولەمى شامامەن 105 ملرد تەڭگەنى، ىشكى ساۋدا كولەمى – 1،8 ترلن تەڭگەنى قۇرادى. ىشكى ساۋدا قۇرىلىمىندا:
- - بولشەك ساۋدا اينالىمى – 381 ملرد تەڭگە (2024 ج. – 1 034،8 ملرد تەڭگە)،
- - كوتەرمە ساۋدا – 1 403 ملرد تەڭگە (2024 ج. – 3 181،3 ملرد تەڭگە).
اكىم سونىمەن قاتار اۋلالار، كوشەلەر، ساياباقتار، سكۆەرلەر مەن قوعامدىق كەڭىستىكتەردى سانيتارلىق تازالاۋ جۇمىستارى دا كوپتەپ جۇرگىزىلىپ جاتقانىن ايتتى. ۇزىندىعى 186 شاقىرىم بولاتىن 110 كوشەنى تازالاۋ جۇمىستارىمەن 3 مەردىگەر ۇيىم اينالىسادى، بۇل جۇمىستارعا 241 جۇمىسشى جانە 162 ارناۋلى تەحنيكا تارتىلعان. تۇرعىنداردىڭ شاعىمدارىنا جەدەل ارەكەت ەتۋ ءۇشىن 3 جەدەل توپ قۇرىلعان.
اۋدانداعى 425 اۋلا اۋماعىن كۇتىپ-ۇستاۋعا 5 مەردىگەر ۇيىم، 325 جۇمىسشى جانە 45 تەحنيكا جۇمىلدىرىلعان.
48 جاسىل ايماقتى - ساياباقتار، سكۆەرلەر مەن بۋلۆارلاردى 113 جۇمىسشى كۇتىپ ۇستاپ، 25 تەحنيكا جۇمىسقا تارتىلعان.
«اۋلالار مەن كوشەلەردى، ساياباقتار مەن قوعامدىق كەڭىستىكتەردى تازارتۋ - جايلى قالالىق ورتانى قالىپتاستىرۋدىڭ ماڭىزدى بولىگى. بيىل ءبىز اۋلالارعا ارنالعان 9 بىرلىك ارنايى تەحنيكانى ساتىپ الۋدى جوسپارلاپ وتىرمىز»، - دەپ تۇيىندەدى ءسوزىن ارمان شامشين.