«ازاماتتارعا ارنالعان ۇكىمەت» مەملەكەتتىك كورپوراسياسى كەاق الماتى قالاسى بويىنشا فيليالى المالى اۋداندىق فرونت-وفيسىندە قوعامدىق قابىلداۋ شارالارى وتكىزىلدى. شارا قالا تۇرعىندارىنىڭ مەملەكەتتىك قىزمەتتەردى الۋداعى تۇيتكىلدى سۇراقتارىنا جاۋاپ بەرۋ، قۇقىق بۇزۋشىلىقتارعا توزبەۋ قاعيداتىن قالىپتاستىرۋ، سىبايلاس جەمقورلىقتىڭ الدىن الۋ ماقساتىندا ۇيىمداستىرىلدى، دەپ حابارلايدى Almaty-akshamy.kz.
«ءبىز مۇنداي قوعامدىق قابىلداۋلاردى بۇرىن دا وتكىزىپ تۇراتىنبىز. پاندەميا سالدارىنان ءبىراز ۋاقىت توقتاپ قالدى. ەندى قايتا قولعا الىپ، ءار اۋدانداعى حقو بولىمدەرىندە قىزمەت الۋشىلارمەن بەتپە-بەت كەزدەسىپ، ماسەلەلەرىنىڭ شۇعىل شەشىلۋىنە ىقپال ەتپەكپىز. شارا تۇرعىندارعا قانشالىقتى پايدالى بولسا، ولاردىڭ سىن-ەسكەرتپەلەرى ارقىلى ءبىز دە قىزمەت ۇسىنۋ ۇدەرىستەرىن جەتىلدىرە بەرەتىن بولامىز»، – دەيدى «ازاماتتارعا ارنالعان ۇكىمەت» مەملەكەتتىك كورپوراسياسى كە اق الماتى قالاسى بويىنشا فيليالىنىڭ ديرەكتورى ەرمەك بەكجۇنىسوۆ.
وتكەن اپتادا مەدەۋ اۋدانىنىڭ قىزمەت الۋشىلارى، ال بۇل جولى المالى اۋدانىنىڭ تۇرعىندارى مەملەكەتتىك قىزمەت الۋعا قاتىستى سۇراقتارىنا جاۋاپ الدى. اۋدان تۇرعىنى ايگۇل ءسابيت قىزى تولىق ەمەس وتباسى رەتىندە ءۇي كەزەگىنە تۇرۋ جولىن سۇراسا، جادىرا امانوۆا وڭالتۋ بويىنشا ءبىرجولعى تولەمدەر تۋرالى، سەرگەي الەكساندروۆ تۇرعىلىقتى مەكەنجايىنىڭ وزگەرىستەرىنە قاتىستى، ەلەنا اندرەيەۆا مەملەكەتتىك اكتىنى ەلەكتروندىق فورماتتا الۋ سياقتى سۇراقتارمەن كەلسە، رايسا سەرگەيەۆا پاتەرىندە تۇرعان بۇرىنعى تۇرعىندارىن تىركەۋدەن شىعارۋ جولىن سۇرادى.
ءىس-شارا بارىسىندا 50-گە جۋىق قىزمەت الۋشىنىڭ سۇراقتارى تىڭدالىپ، كەيبىر ماسەلەلەردى دەپارتامەنت ءوز قۇزىرەتىنىڭ شەگىندە باقىلاۋعا الدى. سۇراقتاردىڭ باسىم كوپشىلىگى الەۋمەتتىك سالاسىنا، جەر جانە قۇجاتتاندىرۋ ماسەلەلەرىنە قاتىستى بولدى.
«مەملەكەت باسشىسىنىڭ «حالىق ۇنىنە قۇلاق اساتىن مەملەكەت» قاعيداتىن ىسكە اسىرۋ جونىندەگى تاپسىرماسىن ورىنداۋ شەڭبەرىندە مەملەكەتتىك قىزمەتتەر كورسەتۋ بارىسىندا حالىقتىڭ كوپ كەدەرگىلەرگە تاپ بولماي، ساپالى قىزمەت الۋىنا جاڭداي جاساۋ. شارانى ۇيىمداستىرۋداعى ماقساتىمىز - مەملەكەتتىك ورگانداردىڭ اشىقتىعى مەن ايقىندىعىن قامتاماسىز ەتۋ. قالىپتاسقان سىندارلى ديالوگتا ناتيجەگە قاناعاتتانعان جانە مەملەكەتتىك ورگانداردىڭ جۇمىسى تۋرالى وڭ پىكىرلەرىن قالدىرعان ازاماتتاردىڭ ءبىرقاتار قاجەتتىلىكتەرى شەشىلدى»، – دەيدى قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى الماتى قالاسى دەپارتامەنتىنىڭ وكىلى ماقسات جاڭبىرشييەۆ.
بۇل شارا بارلىق سانيتارلىق نورمالاردى، سونىمەن قاتار الەۋمەتتىك قاشىقتىقتى ساقتاي وتىرىپ وتكىزىلدى.
مۇنداي قوعامدىق قابىلداۋلار قالانىڭ ءاربىر اۋدانىنداعى فرونت-وفيستەردە (حقو) اپتا سايىن ءوتىپ تۇرادى دەيدى ۇيىمداستىرۋشىلار.