جۋرناليست جانات باقىت كەي جازبالارىمەن مۇسىلمانداردىڭ ءدىني سەنىمىن قورلادى.
وعان 180 مىڭ تەڭگە كولەمىندە ايىپپۇل سالىندى، دەپ حابارلايدى Almaty-akshamy.kz.
ءدىنتانۋ ساراپتاماسى وسىنداي قورىتىندى جاسادى.
بيىل ناۋرىز ايىندا جۋرناليست الەۋمەتتىك جەلىدەگى پاراقشاسىندا: «جاڭا ءداۋىر باستالدى، اللانىڭ ميسسياسى اياقتالدى» دەپ مالىمدەدى. بۇل پىكىر حالىق اراسىندا تۇسىنبەۋشىلىك تۋدىرىپ،سوڭى داۋعا ۇلاسقان بولاتىن. قازاقستان مۇسىلماندارى ءدىني باسقارماسى «شاريعاتتا اللانىڭ اتىنان جالعان سويلەۋ وتە اۋىر كۇنا» ەكەنىن جۋرناليستكە ەسكەرتتى. اتىراۋ وبلىسىنىڭ تۇرعىنى سالا ماماندارىنا ارىزدانىپ، بۇل ءىس سوتتا قارالدى.
«اتىراۋ وبلىسى ءدىن ىستەرى باسقارماسىنا قالا تۇرعىنى اتىنان ارىز كەلىپ تۇسكەن بولاتىن. اتالعان ارىزدى الەۋمەتتىك جەلىدە تانىمال جۋرناليست، جەلىدەگى پاراقشالارى ارقىلى يسلام دىنىنە ءتىل تيگىزىپ، بارشا مۇسىلمانداردىڭ، سونىڭ ىشىندە جەكە ءوزىنىڭ ءدىني سەنىمىنە قورلىق جاسالعانىن كورسەتكەن. وسى رەتتە، باسقارما تاراپىنان ينستاگرام الەۋمەتتىك جىلەسىندەگى جانات باقىت جانە جان جيحان اتتى پاراقشالارى ءدىن ىستەرى كوميتەتىنە ءدىنتانۋ ساراپتاماسىن جاساۋعا جولدانعان بولاتىن»، - دەيدى اتىراۋ وبلىسى ءدىن ىستەرى باسقارماسىنىڭ باس مامانى ەرلان ەرعالييەۆ..