الماتىداعى ءىرى بازارلاردىڭ بىرىندە اياق كيىمدى كوتەرمە ساتۋمەن اينالىساتىن كاسىپكەرلەرمەن كەزدەسۋ ءوتتى، دەپ حابارلايدى almaty-akshamy.kz
تاۋارلاردى تاڭبالاۋ جانە قاداعالاۋ اقپاراتتىق جۇيەسىندەگى كوتەرمە ديستريبيۋتورلاردىڭ ءرولى جۇيەدە يمپورتتاۋشىلاردان تاڭبالاۋ كودتارىن قابىلداۋ جانە اياق كيىم ونىمدەرىن وتكىزۋ كەزىندە ولاردى ودان ءارى بولشەك ساۋدا ديستريبيۋتورلارىنا بەرۋ بولىپ تابىلادى.
ءبىرىڭعاي وپەراتور كاسىپكەرلەرگە تاۋاردى تاڭبالاۋ جانە قاداعالاۋ اقپاراتتىق جۇيەسىندە جۇمىستىڭ بارلىق تەحنيكالىق جانە نورماتيۆتىك دەتالدارىن ءتۇسىندىردى.
كەزدەسۋ بارىسىندا جۇيەنىڭ ەگجەي-تەگجەيلى تەحنيكالىق كورسەتىلىمى ءوتىپ، جۇيەدە تىركەلمەگەن كاسىپكەرلەر سول جەردە تىركەلىپ، ءونىمدى تاڭبالاۋ جانە قاداعالاۋ جۇيەسىمەن جۇمىس ىستەي باستادى.
ءبىرىڭعاي وپەراتور وكىلدەرى كاسىپكەرلەر ءۇشىن ءبىرقاتار جەكە كەڭەستەر وتكىزىپ، ولاردىڭ بارلىق سۇراقتارىنا جاۋاپ بەردى. كاسىپكەرلەر تاراپىنان تاۋاردى تاڭبالاۋ جانە باقىلاۋ جۇيەسىنىڭ جۇمىسىنا قاتىستى ۇسىنىستار ەسكەرىلدى.
تاۋارلاردى سيفرلىق تاڭبالاۋ مەن قاداعالاۋدىڭ باستى ماقساتى قازاقستانداعى تاۋار اينالىمىن اشىق كورسەتۋ بولىپ تابىلادى.
ەسكە سالساق اعىمداعى جىلدىڭ 1 ساۋىرىنەن باستاپ قازاقستاندا تاڭبالاۋ جانە قاداعالاۋ جۇيەسىندە تىركەلمەگەن اياق كيىمدەردى ساتۋعا تىيىم سالىندى.
سيفرلىق تاڭبالاۋ تۋرالى تولىق اقپارات الۋ ءۇشىن 8 800 080 6565 ءنومىرى بويىنشا تاۋلىك بويى جۇمىس ىستەيتىن بايلانىس ورتالىعىنا حابارلاسا الاسىز.