الكوگول ءونىمى تەك ەسەپكە الۋ-باقىلاۋدىڭ قاعاز ماركالارىمەن تاڭبالاناتىن بولادى، دەپ حابارلايدى almaty-akshamy.kz ق ر قارجى مينيسترلىگى مەملەكەتتىك كىرىستەر كوميتەتىنە سىلتەمە جاساپ.
تاڭبالانعان تەمەكى ونىمدەرىن بولشەك ساۋداعا سالاتىن دۇكەندەر ءۇشىن جۇمىس جەڭىلدەتىلەدى. جاڭا قاعيدادار جوباسى اشىق تالقىلاۋ ءۇشىن ورنالاستىرىلعان. اعىمداعى جىلعى 16 قىركۇيەكتە قازاقستان رەسپۋبليكاسىنىڭ ۇكىمەتىندە قازاقستان رەسپۋبليكاسىندا تاۋارلاردى تاڭبالاۋ جانە قاداعالاۋ ماسەلەلەرى بويىنشا كەزەكتى كەڭەس ءوتتى، ونىڭ بارىسىندا الكوگول ونىمدەرىن تاڭبالاۋ جانە قاداعالاۋ ىلكى جوباسى بويىنشا ماسەلەلەر قارالدى.
ناتيجەسىندە بولشەك ساۋدا ساتۋشىلارى ءۇشىن تاڭبالانعان تەمەكى ونىمدەرىمەن جۇمىس ىستەۋدىڭ بيزنەس-پروسەستەرىن جەڭىلدەتۋ تۋرالى شەشىم قابىلداندى. وسىعان بايلانىستى قازىرگى ۋاقىتتا تاڭبالانعان تەمەكى ونىمدەرىمەن جۇمىس ىستەۋ بولىگىندە بولشەك ساۋدا ساتۋشىلارى ءۇشىن بيزنەس-پروسەستەردى جەڭىلدەتۋ بولىگىندە قازاقستان رەسپۋبليكاسى قارجى ءمينيسترىنىڭ 2020 جىلعى 29 قىركۇيەكتەگى № 927 بۇيرىعىمەن بەكىتىلگەن تەمەكى ونىمدەرىن تاڭبالاۋ جانە قاداعالاۋ قاعيدالارىنا وزگەرىستەر ەنگىزۋ بويىنشا بۇيرىقتىڭ جوباسى ازىرلەندى.
سونداي-اق الكوگول ءونىمىن تاڭبالاۋ جانە قاداعالاۋ بويىنشا قولدانىستاعى پيلوتتى اياقتاۋ جانە ەسەپكە الۋ-باقىلاۋ تاڭبالارىمەن تاڭبالاۋدىڭ قولدانىستاعى تەتىگىن ساقتاۋ تۋرالى شەشىم قابىلداندى. بۇل رەتتە باقىلاۋ سالىقتىق جانە ازاماتتىق باقىلاۋ جولىمەن جۇزەگە اسىرىلادى.