الجيردەگى ورمان القابىندا ءىرى ءورت باستالدى، دەپ حابارلايدى almaty-akshamy.kzت Reuters اگەنتتىگىنە سىلتەمە جاساپ.
الجير ازاماتتىق قورعانىس باسقارماسىنىڭ سوڭعى مالىمەتىنە سايكەس، دالا ءورتىنىڭ تارالۋى سالدارىنان ءتورت ادام قازا تاۋىپ، ۇشەۋى جارالانعان. ءورتتىڭ شىعۋىنا ەلدەگى ۇزاققا سوزىلعان اپتاپ ىستىق پەن قۇرعاقشىلىق سەبەپ بولدى. كەيبىر ايماقتاردا اۋا تەمپەراتۋراسى سەلسيي بويىنشا 46 گرادۋسقا دەيىن جەتەدى، سونىمەن قاتار ەلدە سۋ تاپشىلىعىمەن كۇرەسۋدە.
قازىرگى ۋاقىتتا ءورت سوندىرۋشىلەر تىكۇشاقتارمەن الجير استاناسىنان شىعىسقا قاراي 150 شاقىرىم جەردە ورنالاسقان تيزي -ۋزۋزۋ پروۆينسياسىندا ءورتتىڭ تارالۋىن بولدىرماۋعا تىرىسۋدا.
سۇراپىل جالىن ۇيلەردى جالماپ جاتىر، سوندىقتان تۇرعىنداردى شۇعىل تۇردە ەۆاكۋاسيالاۋعا تۋرا كەلدى. جەرگىلىكتى حالىق ءورتتى ءسوندىرۋ ءۇشىن جۇمىس ىستەپ جاتقان ازاماتتىق قورعانىس توپتارىنا ەرىكتى تۇردە كومەك كورسەتۋدە.