ەركىن كۇرەستەن قازاقستان كومانداسىنىڭ مۇشەسى الىشەر ەرعالي پاريج وليمپياداسىنىڭ جۇبانىش بەلدەسۋىنە قاتىسۋ مۇمكىندىگىن الدى، دەپ حابارلايدى aqshamnews.kz ۇلتتىق وليمپيادا كوميتەتىنە سىلتەمە جاساپ.
97 كەلىگە دەيىنگى سالماقتا بەلدەسكەن الىشەر ەرعالي شيرەك فينالدا باحرەيندىك احمەد تاجۋدينوۆكە ەسە جىبەرگەن بولاتىن. جۇبانىش بەلدەسۋىنە قاتىسۋ ءۇشىن الىشەر قارسىلاسىنىڭ فينالعا دەيىن سۇرىنبەي جەتۋىن كۇتتى.
تاجۋدينوۆ بولسا، جارتىلاي فينالدا الەم جانە وليمپيادا چەمپيونى، امەريكالىق كايل سنايدەرمەن كەزدەسىپ، 6:4 ەسەبىمەن جەڭىسكە جەتتى.
ەندى الىشەر ەرعالي يراندىق ازارپيرا اميراليمەن جۇبانىش بەلدەسۋىندە ب ا ق سىنايدى. بەلدەسۋ استانا ۋاقىتىمەن 14:00-گە جوسپارلانعان.
ەگەر جۇبانىش بەلدەسۋىندە جەڭىسكە جەتسە، قولا مەدالعا تالاسۋ مۇمكىندىگى پايدا بولادى.