تەمىرتاۋ قالاسىنىڭ ەكى تۇرعىنى بىرنەشە جىلدان بەرى اليمەنت تولەۋدەن جالتارىپ، جالپى قارىزدارى 5،2 ميلليون تەڭگەنى قۇراعان، دەپ حابارلايدى aqshamnews.kz.
قالا پروكۋراتۋراسى قىلمىستىق كودەكستىڭ 139-بابى (بالاعا اليمەنت تولەۋ جونىندەگى مىندەتتەردى ورىنداماۋ) بويىنشا سوتقا دەيىنگى تەرگەپ-تەكسەرۋگە باستاماشىلىق جاسادى.
ءىس ماتەريالدارى سوتقا جىبەرىلدى.
سوت ەكى بورىشكەرگە دە پروباسيالىق باقىلاۋ ورناتا وتىرىپ، ءبىر جىل مەرزىمگە باس بوستاندىعىن شەكتەۋ جازاسىن تاعايىندادى.
سونىمەن قاتار، 2024 جىلى ەنگىزىلگەن پروكۋرورلىق قاداعالاۋ اكتىلەرىنىڭ نەگىزىندە قىلمىستىق كودەكستىڭ 139-بابى بويىنشا تاعى ءۇش قىلمىستىق ءىس تىركەلدى، ولار قازىرگى ۋاقىتتا سوتقا دەيىنگى تەرگەپ-تەكسەرۋ ساتىسىندا.
2023 جىلدان بەرى تەمىرتاۋ قالاسىندا اليمەنت تولەمەگەن 43 ازامات اكىمشىلىك كودەكستىڭ 669-بابى بويىنشا اكىمشىلىك جاۋاپكەرشىلىككە تارتىلدى.
بۇل باعىتتاعى جۇمىستار جالعاسۋدا جانە قالا پروكۋراتۋراسىنىڭ باقىلاۋىندا.