اتقارۋشىلىق ءىس جۇرگىزۋدى قاداعالاۋ جانە كامەلەتكە تولماعاننىڭ قۇقىقتارىن قورعاۋ ماقساتىندا الاتاۋ اۋدانى پروكۋراتۋراسى ق ر قك 139-بابى بويىنشا قىلمىستىق ءىس تىركەدى.
ياعني، ايىپتالۋشى بالالارىن كۇتىپ-باعۋعا ارنالعان قاراجاتتى تولەۋ جونىندەگى مىندەتتەردى ورىنداماعان، دەپ حابارلايدى Almaty-akshamy.kz.
سوت تالقىلاۋى بارىسىندا سوتتالۋشىنىڭ كىناسى دالەلدەندى، سونىمەن قاتار بورىشكەردىڭ ءبىر جىلدان استام ۋاقىت بويى اليمەنتتەردى تولەۋ بويىنشا ءوز مىندەتتەرىن قاساقانا ورىنداماعانى، تولەمنەن جالتارىپ، ءوزىنىڭ ناقتى تابىسىن سانالى تۇردە جاسىرۋ ناتيجەسىندە 5 289 106 تەنگە بەرەشەك پايدا بولعانى انىقتالدى.
13.03.2024 جىلى الماتى قالاسىنىڭ كامەلەتكە تولماعاندار جونىندەگى مامانداندىرىلعان اۋدانارالىق سوتىنىڭ ۇكىمىمەن سوتتالۋشى ۆ.ا.ن. ق ر قك 139-بابىندا كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلدى. كىنالىگە قاتىستى 1 جىل باس بوستاندىعىنان شەكتەۋ بۇكىل كەزەڭگە پروباسيالىق باقىلاۋ تاعايىنداۋمەن، جىلىنا 100 ساعات ءماجبۇرلى ەڭبەك تۇرىندەگى جازالاۋ شارالارى قولدانىلدى (ۇكىم زاڭدى كۇشىنە ەندى).