ەكس-پرەزيدەنت نۇرسۇلتان نازاربايەۆتىڭ قىزى ءاليا نازاربايەۆا ءبىرقاتار كاسىپكەردىڭ ۇستىنەن شاعىم ءتۇسىردى. الايدا سوت كاسىپكەرلەردىڭ پايداسىنا شەشىلدى، دەپ حابارلايدى اlmaty-akshamy.kz كازتاگ -قا سىلتەمە جاساپ.
ءاليا نازاربايەۆا ادۆوكاتتارى ارقىلى كاسىپكەر نۇرلان بايمۋرزين مەن سەرىكتەسى مەدعات قالييەۆتى رەيدەرلىك شابۋىل جاسادى دەپ ايىپتاپ، سوتقا بەردى. وتكەن اپتادا سوت قۇقىقبۇزۋشىلىقتىڭ انىقتالماۋىنا بايلانىستى ءىستى توقتاتۋ تۋرالى شەشىم شىعاردى.
ايتا كەتەيىك، اقپان ايىندا مەدعات قالييەۆ پەن نۇرلان بيمۋرزين باس پروكۋراتۋراعا ءاليا نازاربايەۆانى رەيدەرلىك ارەكەتى ءۇشىن قىلمىستىق جاۋاپكەرشىلىككە تارتۋدى سۇراعان ەدى.
ءبىزدى قولداعان جاناشىر ازاماتتارعا العىسىمدى بىلدىرەمىن. اتىشۋلى ەسىمدەرگە قاراماستان زاڭدى ءارى ءادىل شەشىم شىعارعان سوت جۇيەسىنە ەرەكشە العىس ايتامىن. ارىزىمىز 4 اي بويى ءبىر ورگاننان ەكىنشى ورگانعا جىبەرىلگەندىكتەن، ءىستىڭ ءادىل اياقتالۋىنا كۇمانمەن قارادىق. جوعارعى سوت ىشكى ىستەر مينيسترلىگىنە قاراعاندا ەسكىنىڭ سارقىنشاعىن ەمەس، زاڭدى باسشىلىققا الاتىنىنا كوزىمىز جەتتى. ىشكى ىستەر مينيسترلىگى پروسەسسۋالدىق شەشىم قابىلداۋ ءۇشىن قارجىلىق مونيتورينگ اگەنتتىگى جىبەرگەن ءوتىنىشتى قارايدى دەگەن سەنىمدەمىز، – دەدى نۇرلان بايمۋرزين.