بۇل فورۋم جاھاندىق ەكونوميكالىق ءوسۋدىڭ جاڭا مۇمكىندىكتەرىنە ارنالدى.
ق ر پرەمەر-مينيسترى دوحا قالاسىندا ءوتىپ جاتقان ءۇشىنشى ەكونوميكالىق فورۋمىنا قاتىستى، دەپ حابارلايدى Almaty-akshamy.kz
بيىلعى ءىس-شارا جاھاندىق ەكونوميكالىق ءوسۋدىڭ جاڭا مۇمكىندىكتەرىنە ارنالدى. اتاپ ايتقاندا، دامۋشى نارىقتارعا ينۆەستيسيا سالۋ، جاڭا ەنەرگەتيكاعا كوشۋ، ساۋدا مەن جۇمىسقا جاساندى ينتەللەكتىنى، بلوكچەين جانە باسقا دا تەحنولوگيالاردى ەنگىزۋ سياقتى ماسەلەلەردى تالقىلاۋ جوسپارلانىپ وتىر.
فورۋمعا شەت مەملەكەتتەر مەن ۇكىمەتتەردىڭ، الەمدىك ءىرى كورپوراسيالاردىڭ باسشىلارى، جاھاندىق ينۆەستورلار، سونداي-اق تىكەلەي ينۆەستيسيالار سالاسىنداعى جەتەكشى ساراپشىلار مەن تانىمال جۋرناليستەر قاتىسىپ جاتىر.
ءىس-شارا اياسىندا ءاليحان سمايىلوۆ قاتار ءامىرى شەيح ءتاميم بين حاماد ءال تانيمەن جانە پرەمەر-مينيستر – سىرتقى ىستەر ءمينيسترى شەيح مۇحاممەد بين ابدۋراحمان ءال تانيمەن كەزدەسۋلەر وتكىزەدى دەپ كۇتىلۋدە. سونىمەن قاتار ءىرى كومپانيالار مەن قارجى ۇيىمدارىنىڭ باسشىلارىمەن كەلىسسوزدەر جوسپارلانعان.