ۇكىمەت باسشىسى وڭىرلىك ىنتىماقتاستىقتىڭ ءارقاشان قازاقستاننىڭ باسىمدىقتارىنىڭ ءبىرى بولعانىن اتاپ ءوتتى.
ق ر پرەمەر-مينيسترى ءاليحان سمايىلوۆ الماتىدا ءوتىپ جاتقان «COVID-تەن تىس جەردە – ورتالىق ازيانى ادىلدىك نەگىزىندە قالپىنا كەلتىرۋ جولىندا» تاقىرىبىنداعى تۇراقتى دامۋ ماقساتتارى بويىنشا ەكىنشى وڭىرلىك سامميتتە وسىلاي دەدى، دەپ حابارلايدى Almaty-akshamy.kz
سونداي-اق ءاليحان سمايىلوۆ قازاقستاننىڭ بۇۇ-نىڭ 2030 جىلعا دەيىنگى كۇن ءتارتىبىن قولدايتىنىن، بۇعان تۇراقتى دامۋ ماقساتتارىنىڭ ينديكاتورلارىن ۇلتتىق ستراتەگيالار مەن دامۋ باعدارلامالارىنا ەنگىزۋ دالەل ەكەنىن اتاپ ءوتتى. ەلىمىزگە جۇكتەلگەن مىندەتتەمەلەردى ىسكە اسىرۋ ءۇشىن تدم جونىندەگى ۇيلەستىرۋ كەڭەسى جۇمىس ىستەيدى.
ق ر پرەمەر-مينيسترى بۇگىندە كوپتەگەن ەلدەر ءۇشىن باستى ماسەلەلەردىڭ ءبىرى ازىق-تۇلىك قاۋىپسىزدىگىن قامتاماسىز ەتۋ بولىپ وتىرعانىن اتاپ ءوتتى.
وسىعان وراي، بۇۇ ازىق-تۇلىك جانە اۋىل شارۋاشىلىعى ۇيىمىنىڭ الەمدىك نارىقتاعى باعانىڭ ودان ءارى ءوسۋى ىقتيمال دەگەن بولجامىن ەسكەرە وتىرىپ، قازاقستان اگروونەركاسىپ كەشەنىنىڭ الەۋەتىن دامىتۋ جانە ونىمدىلىگىن ارتتىرۋ جونىندەگى قادامداردى جانداندىرادى.
«ىلگەرىلەۋ مەن جاھاندىق ماقساتتارعا قول جەتكىزۋ ءۇشىن ۇلتتىق جانە ايماقتىق دەڭگەيلەردە باتىل ارەكەت ەتۋ جانە تىعىز ارىپتەستىك قاجەت. ءبىزدىڭ ەلدەر اراسىنداعى ىنتىماقتاستىق پەن ءوزارا ءىس-قيمىلدى ودان ءارى كەڭەيتۋ بۇۇ قۇرىلىمدارىنىڭ بەلسەندى قاتىسۋىمەن تۇراقتى جانە وركەندەگەن ورتالىق ازيا قۇرۋعا ىقپال ەتەتىنىنە سەنىمدىمىن»، — دەدى ءاليحان سمايىلوۆ.