ArcelorMittal كومپانياسى وندىرىستىك قاۋىپسىزدىكتى كۇشەيتۋ جۇمىستارىن جالعاستىراتىنىن راستادى.
ق ر پرەمەر-مينيسترى ءاليحان سمايىلوۆ ArcelorMittal كومپانياسىنىڭ ۆيسە-پرەزيدەنتى ۆيدجاي گويالمەن كەزدەستى، دەپ حابارلايدى Almaty-akshamy.kz.
ءاليحان سمايىلوۆ «ارسەلورميتتال تەمىرتاۋ» (امت) كاسىپورنىنداعى قاۋىپسىزدىك جاعدايىنا اسا الاڭداۋشىلىق ءبىلدىردى.
ءوز كەزەگىندە ۆيدجەي گويال ادام ولىمىنە اكەلگەن قايعىلى جاعدايلارعا بايلانىستى كوڭىل ايتىپ، جۇمىسشىلاردىڭ قاۋىپسىزدىگىن قامتاماسىز ەتۋدەگى ءامت-نىڭ جاۋاپكەرشىلىگىن مويىندادى. ول ArcelorMittal كومپانياسى وندىرىستىك قاۋىپسىزدىكتى كۇشەيتۋ جۇمىستارىن جالعاستىراتىنىن راستادى جانە كومپانيانىڭ قايتىس بولعان جۇمىسشىلاردىڭ وتباسىلارىنا تولىق قولداۋ كورسەتەتىنە ۋادە بەردى.
سونىمەن قاتار ۆيدجاي گويال امت باسشىلىعى باس پروكۋراتۋرا جۇرگىزىپ جاتقان تەرگەۋگە تولىق كومەك كورسەتۋگە دايىن ەكەنىن اتاپ ءوتتى.
كەزدەسۋ قورىتىندىسى بويىنشا ق ر يندۋستريا جانە ينفراقۇرىلىمدىق دامۋ مينيسترلىگى مەن امت اراسىندا مەموراندۋمعا قول قويىلدى، وعان سايكەس قازاقستاندىق تاراپ كومپانيانىڭ جۇمىسىن باعالاۋ ءۇشىن حالىقارالىق ساراپشىلاردى تارتاتىن بولادى.
بۇل رەتتە امت باعالاۋ جۇرگىزۋ كەزىندە ءوندىرىس كولەمىن، كاسىپورىنداعى جۇمىسپەن قامتۋ جانە جالاقى دەڭگەيىن ساقتاۋعا مىندەتتى بولادى.