كىتاپتىڭ اۆتورى – عالىم ۆيكتور كوزودوي.
تاريحشىنىڭ بۇل ەڭبەگى مۇراعاتتان الىنعان اقپاراتتارعا سۇيەنىپ جازىلعان، دەپ حابارلايدى Almaty-akshamy.kz
الماتىدا تاۋەلسىزدىكتىڭ 30 جىلدىعى قارساڭىندا تاريح عىلىمدارى دوكتورى ۆيكتور كوزودويدىڭ «ءاليحان بوكەيحانوۆ – اڭىز ادام» اتتى كىتابىنىڭ تۇساۋكەسەرى ءوتتى.
عىلىم ورداسىندا ۇيىمداستىرىلعان شارادا تۋىندى اۆتورى الاشوردا ۇكىمەتىنىڭ جەتەكشىسى تۋرالى ءبىرى بىلسە، ءبىرى بىلە بەرمەيتىن دەرەكتەردى دە ءوز تۋىندىسىنا قوسقانىن ايتتى. ەڭسەلى ەگەمەندىگىمىزدىڭ 30 جىلدىعى قارساڭىندا وقىرمانعا جەتكەن كىتاپ ۇلت زيالىسىنىڭ عۇمىرىن تولىق قامتىعان. ەڭبەك مۇراعاتتان الىنعان اقپاراتتارعا سۇيەنە وتىرىپ جازىلىپتى.
«بۇل ەڭبەكتى 2 جىلداي جازدىم. قازاقستان مەن رەسەي فەدەراسياسىنداعى 10 قالانى ارالاپ، 12 مۇراعاتتىڭ تابالدىرىعىن توزدىردىم. كوبىنە الماتىدا بولىپ، ورتالىق مۇراعاتتان تىڭ دەرەكتەردى تاپتىم»، – دەدى تاريح عىلىمدارىنىڭ دوكتورى ۆيكتور كوزودوي.